Santiago de Compostela, 18 de xuño, 2021. A deputada do BNG, Noa Presas cualificou hoxe de “escándalo e latrocinio” que a Xunta destine fondos públicos aos bancos para manter servizos básicos, mentres seguen pechando oficinas e despedindo a traballadores e traballadoras, a pesar de obter grandes beneficios entre os que salientou, 137,4 M€ de ABANCA, un 8,2% que no mesmo período do ano 2020, 1.608 millóns de euros o Banco Santander, 5 veces máis, e 1.210 M€, o BBVA.
Para a deputada, a Xunta do Partido popular está convertida na “fábrica do mal e os reis do márketing” ademais de tomar a “pitorreo” o Parlamento galego e gobernar contra os “intereses de todos os galegos e galegas”.
700 mil euros públicos para financiar caixeiros eliminados polos bancos
A última ocorrencia, dixo, é “financiar os caixeiros”. O PP ten previsto aprobar o destino de 700 mil euros ao ano para sufragar o servizo de caixeiros e criticou a rapidez para aprobar esta medida cando a Xunta tardou máis de seis meses para aprobar axudas directas aos autónomos, pero para “ engordar” a unha banca que saca tallada dunha crise, agora a través dos créditos ICO, non teñen tanto “ralentí”, remarcou.
No debate da proposición non de lei do BNG, Noa Presas preguntou quen goberna a Xunta, se o Partido popular ou a ABANCA porque despois de regalarlle a xestión e decisión sobre os fondos europeos, tamén lle entregaron a “privatización da universidade” impulsando unha universidade privada á que se opón “toda a universidade pública galega” e agora, a Xunta vai pagar aos bancos a reposición dos caixeiros que eles mesmos anularon, “un escándalo e un latrocinio” reiterou.
Dende o BNG, recalcou, “opoñémonos radicalmente” como están a facer as organizacións sociais ou sindicais como a CIG, a cal queremos trasladar o noso recoñecemento ao intenso traballo do sindicalismo nacionalista en defensa dos traballadores e traballadoras e en defensa dos intereses de todos e todas.
“Mentres a banca pecha oficinas, despide e precariza persoal e aumenta comisións, abusos e estafas en plena pandemia e en plena crise económica
que fan vostedes? Pagarlles como xa fixeron co rescate á banca con máis de “65.000 M€ dos que non se van recuperar nin 15 mil”, afirmou.
Retiren esta nova “estafa” e reconvertan o IGAPE nun instituto de crédito como paso previo a unha banca pública galega.
No 2008,explicou a nacionalista, había en Galiza máis de 2.500 oficinas e no comezo da pandemia, 1.300, o que dá idea da gran redución que supuxo a crise anterior.
Galiza perdeu na última década o 51,52% das sucursais bancarias nun proceso que non só abrangue o rural e zonas pouco poboadas, as cidades tamén ven como barrios enteiros quedan sen servizo baixo a escusa da “pandemia”.
A deputada do BNG lamentou que, unha vez máis, o Partido popular impedira que prospera a iniciativa nacionalista e anunciou que o BNG continuará traballando para impedir unha nova “estafa” das entidades bancarias.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
