Burela, 30 de xuño de 2021. O alcalde, Alfredo Llano, subliñou o traballo realizado polo Concello e o seu respecto polo medio ambiente, tras coñecer que recibiu a bandeira negra no informe anual do colectivo Ecologistas en Acción. O rexedor dixo que están agardando pola nova Edar para subsanar todos os problemas que a vella produce en canto chove.
Llano declarou que “teño que dicir que nosoutros estamos agardando, estase traballando, espero que con toda a rapidez que se necesita, para facer unha nova Edar en Burela. Hai unha nova Edar programada, está a punto de rematar o proxecto executivo e en pouco tempo espero que se licite e que se faga entre o ano que ven e o próximo. Todo o mundo que coñece Burela sabe que a nova Edar é moi necesaria. Está calculada para dar servizo a entre 16.000 e 20.000 habitantes. Agora mesmo a Edar que se fixo no seu momento non é capaz de asumir todas as augas residuais”.
O alcalde burelés manifestou que “en Burela estamos preocupados polo medio ambiente, estamos involucrados na iniciativa dos Concellos polo Clima e pola a Enerxía. Estamos en proxectos europeos e autonómicos, incluso coa Universidade de Santiago. Si que estamos atendendo ao que cremos que debe ser un bo tratamento do medio ambiente. Queremos conseguir unha sociedade en Burela que estea integrada perfectamente co medio ambiente. Para iso estanse facendo moitas obras, por exemplo a separación de augas residuais e pluviais, temos a recollida selectiva de lixo, o punto limpo, etc… estamos tratando de facer unha labor extraordinaria na recollida e procurar que se verta o menos posible. Temos slogans postos nos sumidoiros para concienciar de que o mar comeza no primeiro sumidoiro. Somos conscientes da responsabilidade que corresponde a unha institución como é un Concello de dar exemplo de como debemos coidar o medio ambiente. Nese aspecto penso que desde Burela estamos traballando ao máximo”.
Alfredo Llano engadiu: “estou de acordo, eu tamén esixo e me preocupa que non se faga a Edar, que está proxectada desde 2014 e estamos en 2021 co proxecto executivo en marcha. Penso que sería moi necesario rematar esa nova Edar e despois temos que ser conscientes todos de mellorar a nosa actitude para que o medio ambiente non se resinta.
Esa conciencia procuramos mantela desde o Concello e cada vez que hai unha actuación, que realmente repercuta dalgunha maneira no medio ambiente, estamos presentes e tratamos de mellorar sempre. Eu estou de acordo en que se fagan este tipo de denuncias porque é bo que se conciencie á xente e que se actúe, pero tamén hai que actuar en xustiza e pensar que en Burela, dentro das nosas posibilidades, estamos acometendo iniciativas que realmente melloran o medio ambiente”.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
