Burela, 23 de xuño, 2021. A Fundación Imdecum rendeu homenaxe esta tarde aos Heroes do Orzán na praia de O Cantiño, en Burela, coincidindo co que debería ser a apertura do Memorial de fútbol sala base que todos os veráns reúne a preto dun milleiro de pequenos deportistas na Mariña. Malia que a cita non se puido recuperar en estado puro, este ano Vista Alegre tamén se sumou ao recordo do polícía burelense Rodrigo Maseda Lozano, xunto aos seus compañeiros José Antonio Villamor Vázquez e Javier López López, cun partido amigable entre dous dos clubs habituais do torneo, o Pescados Rubén Burela FS e o EDM Concello de Guitiriz.
Como en 2020, o acto simbólico de inauguración do Memorial Heroes do Orzán tivo lugar fronte ao monólito que lembra a Rodrigo Maseda desde abril de 2012 no areal burelense. Xunto a Isabel Lozano, en representación das familias, e do presidente de Imdecum, Marcelino Luna, participaron o alcalde de Burela, Alfredo Chairo, e o presidente e a vicepresidenta do Pescados Rubén Burela FS, Manuel Blanco e Cesarina Fanego, ademais dos axentes Iván Castro, José Campelle e José Carlos Sánchez da Comisaría de Policía de Viveiro, destino de Rodrigo na Mariña.
Coa reincorporación paulatina da base ás competicións, o Memorial tamén quixo honrar sobre o parqué aos policías nacionais que perderon a vida na praia de Orzán nun intento de rescate, como leva facendo desde 2012. A ilusión e a emoción dos pequenos deportistas quedou reflectida no enfrontamento amigable da categoría cadete entre dúas das escolas incondicionais da cita.
Traballando para 2022
Ao longo de cinco días, entre hoxe e o domingo, centos de nenxs entre as categorías de Prebenxamín e Xuvenil asolagarían os pavillóns e rúas de Burela, Foz, San Cibrao, Xove e Viveiro para disputar o torneo.
Dando pasos firmes na volta á normalidade, a organización xa está a traballar para retomar o Memorial e a competición a finais de xuño de 2022. O mellor fútbol sala basee volverá dar espectáculo ao longo da Mariña, nun evento que se converteu en toda unha referencia nas axendas de escolas e clubs de toda España. A Deputación de Lugo e os concellos de Burela, Foz, Cervo, Xove e Viveiro colaboran na iniciativa da Fundacion, que supón un revulsivo para o turismo da campaña no inicio da campaña estival.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
