Lugo, 14 de xuño de 2021. A Deputación de Lugo impulsa a terceira edición do festival Mindomúsica de Mondoñedo. A Deputada de Réxime Interior, Promoción do Territorio e Turismo, Pilar García Porto, xunto a Raquel Maseda, director artística do certame, presentou este luns no Pazo de San Marcos a cita coa música de cámara, que terá lugar entre o sábado 26 de xuño e o domingo 4 de xullo en lugares emblemáticos do municipio mindoniense, como a Catedral ou a Casa dos Coengos.
“Esta é unha iniciativa musical e cultural ideal para a promoción turística de Mondoñedo, da comarca da Mariña e do conxunto provincia”, explicou García Porto. A Deputada destacou o formato do festival, que achega a música clásica á xente por medio de concertos, encontros e entrevistas cos diferentes intérpretes. “Este festival ofrece a oportunidade de escoitar a mellor música de cámara en escenarios únicos, como a Catedral de Mondoñedo. Cos seus máis de 800 anos é monumento nacional desde 1902, basílica desde 1962 e declarada Patrimonio da Humanidade desde 2015. Esta iniciativa tamén é unha ocasión única para viaxar no tempo, porque as obras que se interpretarán estarán vencelladas ao arquivo de música da Catedral”, apuntou García Porto.
A Deputada destacou a aposta da Deputación por “un turismo sostible, sen masificacións, de natureza e experiencias, que pon en valor o patrimonio da provincia e que crea emprego no rural”. Pilar García Porto explicou que “para seguir fortalecendo este modelo de turismo, que se viu reforzado tras o impacto da pandemia, tamén é importante apoiar eventos como o Festival Mindomúsica, que potencian un turismo de calidade e de experiencias”. E engadiu que esta labor, continuada no tempo, “axudará a fixar poboación, creando un emprego sustentable ligado ao territorio, pensando nas nosas fortalezas e nas oportunidades que temos”.
A institución provincial colabora con 3.000 euros na organización desta terceira edición de Mindomúsica, á que a veciñanza poderá asistir de xeito gratuíto.
Programa Mindomúsica
– Sábado 26 de xuño. Parroquias Tour, mini concerto e encontro coa veciñanza por diferentes parroquias do concello de Mondoñedo.
– Xoves 1 de xullo, ás 20:30 horas, na Casa dos Coengos. Faladoiro e entrevista sobre o Arquivo de Música da Catedral de Mondoñedo a cargo de Carlos Villanueva (musicólogo e catedrático da USC) e Joám Trillo (compositor e profesor no CSMV).
– Venres 2 de xullo, ás 20:30 horas, na Catedral de Mondoñedo. Concerto de música de cámara con obras de autores relacionados co Arquivo de Música da Catedral:Pacheco, J.Haydn e J.P.Almeida.
– Sábado 3 de xullo, ás 20:30 horas, no Auditorio Municipal Pascual Veiga. Concerto de música de cámara con obras de J.Brahms e R.Schumann.
– Domingo 4 de xullo, ás 12:00 horas, Centro Cultural da Alcántara. Concerto de música de cámara con obras de O.Messiaen e J.Brahms.
Escola Municipal de Música
Mindomúsica tamén contempla unha actividade divulgativa cos alumnos e alumnas da Escola Municipal de Música de Mondoñedo. A Deputación de Lugo colabora a través do Plan Único cunha achega de preto de 33.000€ para o gasto desta formación.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
