Lugo, 16 de xuño de 2021. Os deputados lucenses no Parlamento de Galicia, Ramón Carballo e José Manuel Balseiro, queren poñer en valor as iniciativas de rehabilitación lideradas pola Xunta na provincia de Lugo. Con este obxecto, veñen de rexistrar unha pregunta no Parlamento de Galicia na que se interesan pola valoración que fai o Goberno galego do funcionamento das áreas de rehabilitación integrais lucenses (ARIs) e por coñecer os beneficios concretos que obterán os veciños que se acollan ás axudas previstas.
Coa recente incorporación de Castro de Rei son xa 13 os municipios lucenses que contan con algunha área de rehabilitación, en concreto, os municipios de Chantada, Lourenzá, Mondoñedo, Monforte de Lemos, Quiroga, Sarria, Sober, Ribadeo, Vilalba, Viveiro, Lugo e a ARI de Guitiriz, declarada o pasado mes de novembro para os núcleos do Buriz e Os Vilares.
A este listado hai que sumar ás áreas de rehabilitación supramunicipais, de xestión directa da Xunta, entre as que atopamos a ARI do Camiño, que incorpora as parroquias dos concellos polos que discorre o Camiño de Santiago e a ARI de Ribeira Sacra, específica para 25 municipios emprazados nesta zona que comparten as provincias de Lugo e de Ourense.
Segundo o emprazamento e ámbito de influencia, poden afectar a cascos históricos de vilas ou cidades, a barrios e a espazos rurais singulares. En calquera caso, “os veciños poden solicitar axudas para a rehabilitación das súas vivendas. E os Concellos tamén poden recibir axudas para financiar actuacións de rexeneración dos espazos públicos comúns; así como para o financiamento das oficinas municipais de rehabilitación, encargadas de tramitar as solicitudes e dar información sobre as axudas”, sinalan os deputados.
Conservación e mellora de vivendas para evitar o despoboamento
O obxectivo final destes programas é a recuperación de conxuntos históricos ou rurais especialmente degradados, desde o punto de vista arquitectónico e social. “Unha paisaxe coidada e atractiva incentiva comportamentos de respecto polo entorno, mentres que un espazo visualmente deteriorado induce a actitudes agresivas e pouco respectuosas e desanima á realización de novas construcións de calidade”.
Ademais, a conservación e mellora das vivendas nestes ámbitos “axudan a manter un mellor equilibrio no reparto da poboación no territorio evitando o abandono e o despoboamento destas zonas, especialmente no rural, e facilitando o mantemento de actividades económicas e de servizos que doutra forma están abocados a desaparecer”, segundo defenderon Balseiro e Carballo.
“Recuperar a convivencia dos distintos usos que se dan no espazo público e recuperar o valor do contorno mediante actuacións de acondicionamento de vivendas, permite valorizar o conxunto do patrimonio. Todos queren vivir en espazos máis fermosos e acolledores”, engadiron.
Outros programas de rehabilitación
Ademais das ARI, na actualidade a Xunta impulsa o Programa Rexurbe en 4 localidades lucense -Lugo, Mondoñedo, Vilalba, Viveiro- de tal xeito que somos a provincia galega que conta con máis municipios beneficiarios destes apoios.
A Xunta financia a parte fundamental destas actuacións, coa colaboración de recursos estatais e dos propios concellos que son os encargados de tramitar as axudas a través das oficinas de rehabilitación.
“Aínda que os importes varían, en función da ARI da que se trate, veciños e veciñas poderán beneficiarse de achegas de ata 24.000 euros para rehabilitar as súas vivendas”. Os deputados lembran que “ata o momento os máis beneficiados son vivendas unifamiliares, pero tamén poden verse beneficiados edificios colectivos”.
Investimento de 26 millóns de euros no barrio da Tinería
Os deputados escolleron como lugar para presentar a súa iniciativa o barrio lucense da Tinería, onde a Xunta está a facer un dos maiores esforzos en materia de rehabilitación de vivendas e espazos urbanos. De feito, os 40 edificios rehabilitados e o preto dun cento vivendas adxudicadas nos últimos 12 anos, superan un investimento de 26 millóns de euros en tarefas de rehabilitación na Tinería.
A este proceso de recuperación hai que sumar a posta en valor de edificios singulares como a Casa da Torre e do Pazo de Doña Urraca, cuxos proxectos avanzan en firme, e tamén a propia área Rexurbe que permite a propietarios de edificios en mal estado vendelos á Xunta que os rehabilita e transforma como vivendas sociais.
“A rehabilitación é o máis difícil, xa que o fácil sería poñer ferros e formigón. Pero merece a pena o complicado porque o fácil xa se fai en todos os sitios”, sinalaron os deputados.
Reclamaron unha xuntanza urxente para abordar a situación da fábrica e maior implicación dos goberntos estatal e autonómico.
Os seus editores, Carlos Baliñas Pérez (USC) e Carlos Andrés González Paz (IEGPS), acompañados pola directora do Museo Provincial de Lugo, Aurelia Balseiro, explicaron o contido do libro, que constitúe unha revisión diacrónica da traxectoria histórica da vila de Castro d’Ouro desde a Idade do Ferro ata finais do Antigo Réxime e que reúne os relatorios presentados por expertos de recoñecida traxectoria investigadora durante as “Xornadas de Estudos Históricos”, (2 e 3 de outubro de 2020, centro sociocultural de Alfoz), con motivo do octinxentésimo aniversario da vila de Castro d´Ouro (1220-2020).
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
