Ribadeo, 1 de xuño de 2021. No pleno ordinario celebrado nas últimas horas foi aprobado o Peprich para o casco vello. O alcalde, Fernando Suárez, subliñou que “isto supón un fito histórico para o urbanismo de Ribadeo” e que “se abren unha serie de novas posibilidades de construción en bolsas e espazos do conxunto histórico que ata agora non estaba permitido”. Na sesión tamén se acordou solicitar ao Ministerio de Fomento a titularidade do alumeado das rotondas da Vilavella, Dompiñor e Vilaselán para volver iluminalas, xa que levan 10 anos vivindo “en perpetua penumbra”.
O rexedor explicou que “tivemos pleno ordinario que non foi moi longo, pero que foi moi importante e supón un novo fito histórico no urbanismo deste Concello. Pois por fin, logo de 10 anos de tramitación, logo de tres mandatos municipais, logo de ter recibido todos os informes favorables das diferentes administracións, Ribadeo, concretamente o casco vello de Ribadeo, xa ten o seu Plan Especial de Protección e Reforma Interior do Conxunto Histórico, o comunmente denominado Peprich. Nos próximos días publicarase nas plataformas e nos boletíns oficiais pertinentes, pero xa podemos dicir que xa por fin haberá unhas normas claras, detalladas, pormenorizadas do que se pode facer e do que non se pode facer non casco vello de Ribadeo”.
Súarez Barcia dixo que “ademais, ábrense a partir de agora unha serie de novas posibilidades de construción en bolsas e espazos do conxunto histórico que ata agora non estaba permitido. Evidentemente co cumprimento de todas as normas ambientais, paisaxísticas e de habitabilidade”.
A iluminación das rotondas de acceso a Ribadeo foi outro dos asuntos abordados na sesión plenaria ordinaria das últimas horas: “tamén formulamos a petición do alumeado das rotondas da Vilavella, de Dompiñor e de Vilaselán ao Ministerio de Fomento. Actuamos deste xeito porque preferimos pagar nós a luz e que volva a haber luz (para garantir as seguridade especialmente dos peóns), que seguir como nestes últimos 10 anos de vivir en perpetua penumbra”.
O alcalde engadiu: “demos conta tamén dos reparos formulados pola Intervención durante o ano 2020, véndose que seguimos no camiño de reducilos con respecto aos anos anteriores, explicando ademais as motivacións de porque o temos que facer. Confiamos que ao longo deste ano poidamos seguir licitando contratos que levan moitos anos sen renovar como o da telefonía, electricidade, etc. E logo no apartado de rogos e preguntas pois atendemos aquelas peticións que perseguen a mellora do noso concello e rexeitamos aqueloutras que ou ben son imposibles de conseguir ou ben son oportunistas, que destas aínda houbo algunha”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
