Ribadeo, 16 de xuño de 2021. A Asociación de Profesores de Automoción de Galicia (Apaga) presentará en Ribadeo o vindeiro sábado, día 19 de xuño, o material didáctico elaborado no proxecto Erasmus+ titulado Un paso adelante, que levou a cabo en coordinación e coa participación de varios países europeos. Esas unidades abordan temas como o combustible, o vehículo eléctrico ou a condución autónoma.
O presidente de Apaga, Álvaro Doural, explicou que “continuando coa serie de actividades que estamos facendo a través dos proxectos Erasmus+, o que leva máis tempo en activo é o titulado Un paso adelante, coordinado por unha entidade parecida á nosa de Eslovaquia e coa participación dun centro finlandés, outro de Chequia e outro de Eslovaquia. E este proxecto xa está a piques de rematar. No acto que imos celebrar, este sábado, 19 de xuño, ás once da mañá no local de Apaga, en Vilar nº7, vaise facer a presentación de todos os materiais que se elaboraron e que xiran, sobre todo, arredor do tema do combustible, do vehículo eléctrico e da condución autónoma, é dicir, toda unha serie de novas tecnoloxías que están hoxe en día entrando no sector dos vehículos. Vanse presentar unhas unidades didácticas para traballar o profesor e tamén o alumnado, teñen esas dúas vertentes de traballo. Cada temática vai ter as súas dúas unidades”.
Doural subliñou que “con iso se pretende dar a coñecer o traballo realizado durante estes anos e que despois vai estar na páxina web de Apaga a disposición de calquera que queira utilizalo, tanto profesores como público xeral. A presentación non é só para profesores, mándase invitación a todos os socios e ao sector do automóbil na zona, só que hai un aforo limitado para trinta persoas. O acto vai durar dúas horas aproximadamente e ao remate tomaremos un viño galego e haberá unha degustación de produtos da terra”.
O presidente de Apaga engadiu que “este proxecto naceu no 2017 pero, por razóns do covid, ampliouse un ano máis. É dos proxectos máis antigos que temos nós funcionando neste momento. Creo que cuns bos resultados e uns materiais que se poden utilizar para todos os niveis da Formación Profesional ou para outro tipo de formación como a continua ou para xente desempregada. Vai estar a disposición de todo quen queira utilizalo. Está tamén en inglés e nos idiomas dos países participantes. Na web vaise poñer unha copia en inglés e outra en español”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
