Lugo, 11 de xuño de 2021. A Consellería de Emprego e Igualdade achegou o pasado ano 612.200 euros aos traballadores autónomos da Mariña a través de diversos programas de apoios destinados a este colectivo. O delegado territorial de Lugo, Javier Arias, subliñou que, tanto mediante estas axudas ordinarias como a través dos Plans de rescate, o Goberno galego “realiza un importante esforzo para apoiar a un colectivo fundamental para a economía da nosa provincia, onde un de cada tres traballadores é autónomo”. Así, no 2020 concedéronse na comarca 198 axudas, que favoreceron a incorporación ao réxime de autónomos de preto dun centenar de persoas desempregadas e incrementaron a competitividade de empresas xa establecidas.
O programa que sumou maior número de apoios foi o Bono autónomo: 103 expedientes que alcanzan unha contía global de 238.200 euros. Esta media financia estratexias de negocio e marketing así como compra de equipamento, equipos informáticos, reformas e mobiliario, entre outros elementos.
Porén, o maior volume de investimento concéntrase no programa de promoción do emprego autónomo; a Consellería apoiou con 365.000 euros a incorporación como traballadores autónomos de 94 persoas desempregadas. Trátase de axudas directas, dun mínimo de 2.000 euros e un máximo de 9.000 euros, para as persoas que causaron alta no réxime especial de autónomos ou en calquera outro réxime especial por conta propia da Seguridade Social entre o 1 de outubro de 2019 e o 30 de setembro de 2020.
Ademais de fomentar o emprendemento, a Xunta tamén axuda a consolidar e impulsar o crecemento destas empresas con apoios á contratación de traballadores. Acolleuse a estas achegas un empresario mariñán, que recibiu 9.000 euros.
Os cinco concellos que concentran máis apoios son os de Ribadeo, con 41 axudas e 135.700 euros de investimento; Foz, con 34 axudas e 103.200 euros; Viveiro, con 87.100 euros para 25 expedientes; Burela, 22 axudas e 61.700 euros; e Mondoñedo, que alcanza as 18 achegas e 55.000 euros.
Arias lembrou que a Consellería convocará proximamente de novo estes programas. Hoxe mesmo publícase no DOG o terceiro Plan de rescate e o vindeiro luns ábrese o prazo para presentar as
solicitudes. Igualmente, o Consello da Xunta aprobou onte a convocatoria do Bono Autónomo, e nas próximas semanas iranse poñendo en marcha as demais medidas.
Ao respecto, o delegado afirmou que “a realidade socioeconómica da nosa provincia indica que os autónomos son vitais para unha recuperación do emprego, e apoialos para que poidan remontar a situación xerada pola pandemia, crecer e ampliar os seus mercados é unha prioridade para a Xunta de Galicia”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
