Cervo, a 17 de xuño de 2012: A reunión da mesa de seguimento para a venda da fábrica de aluminio de San Cibrao confirmou que nada se ten avanzado nunha solución definitiva e viábel. Alcoa e os gobernos español e galego seguen a escenificar o seu enfrontamento sobre os termos da venda, sen amosar ningunha das partes unha vontade real para materilizar a operación.
Fronte a isto, a CIG esixe que se cumpra xa coa solución que garanta a actividade produtiva e o mantemento dos postos de traballo e que ten que pasar pola intervención pública das instalacións para, unha vez na SEPI, buscar con toda a tranquilidade un novo grupo propietario.
Por iso, a central nacionalista demandou que se concrete de maneira urxente unha data para a reunión co Ministerio de Industria que a representación social xa solicitou na anterior mesa multilateral. A CIG non vai consentir que o Goberno español pretenda desentenderse das súas responsabilidades e asegure agora que non contempla ningún escenario no que SEPI compre a planta de aluminio.
Esiximos que se cumpra o mandato aprobado polo Congreso dos e das Deputadas e polo Parlamento de Galiza. Con independencia de que sexa unha condición imprescindíbel para Alcoa, a intervención da SEPI é necesaria para evitar o acontecido coas fábricas da Coruña e Avilés.
Neste senso, a CIG advirte que tampouco consentirá que Alcoa, na busca dunha indeminidade que a exima das súas responsabilidades, utilice ningún subterfuxio como escusa e parapeto para facer fracasar (de novo) a venda da fábrica.
Doutra banda, a CIG critica o papel xogado pola Xunta que, no canto de instar a intevención da fábrica e promover unha fronte común co goberno español para facer presión sobre Alcoa, se dedica a atacar o Ministerio sen ofrecer solucións nin iniciar as medidas precisas.
Ante a falta de avances na venda e a demora nunha solución -que urxe polo deterioro que sofren as instalacións e pola perda de emprego-, a CIG chama a retomar e intensificar a mobilización na fábricas e nas rúas para forzar a todas as partes a chegar a un acordo que garanta o futuro industrial da Mariña.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
