Ribadeo, 16 de xuño, 2021. A nova residencia de maiores de Ribadeo, para a que foi pedido o nome de José Mª Rodríguez Rodríguez Díaz, hai dous anos que comezou a recibir os primeiros residentes. Oito persoas que foron as primeiras en incorporarse ás 48 prazas que se foron enchendo a medida que se ía collendo a rutina diaria.
Con ese motivo, os membros da Plataforma pro residencia que mobilizou á poboación primeiro, e logo, mediante a convocatoria dunha manifestación, inclinou ós políticos a colaborar entre si e coa poboación para conseguir o que hoxe vemos funcionar, decidimos dar de novo as grazas a todos, dende as asociacións de veciños que constituíron a plataforma ata a última persoa que apoiou unha manifestación histórica en Ribadeo, ó tempo que lembramos que a labor non rematou nin rematará mentres a residencia estea a funcionar.
Parece mentira… xa dous anos funcionando. E con sorte e bo facer da dirección e persoal, sorteando o estado de pandemia. Non sen un custe ó quedar cada residente illado, dun xeito non menos lamentable por ser considerado necesario. Lonxe queda cando hai máis dunha década Juan Pulpeiro e José Antonio Ares contactaron con José Mª Rodríguez e logo coa AVV O Tesón e o resto de asociacións veciñais e comezou o longo proceso para ter unha nova residencia de maiores en Ribadeo.
Hai tamén máis de dous anos, vai para tres, que presentamos alegacións lóxicas ós documentos básicos de funcionamento da residencia, que marcan cousas como os criterios de admisión ou o xeito de pago. Alegacións que no seu momento foron adiadas na súa resolución para que comezara a funcionar canto antes, prometéndosenos en pleno, a pregunta da daquela concelleira Aurora González antes da aprobación definitiva, que serían abordadas como reforma do aprobado na primeira xuntanza da comisión reitora da residencia. Seguen adiadas.
No medio, o intento (cando menos, non tido en conta) de poñer en marcha unha asociación de apoio, ou a idea clara de que para que as cousas funcionen a longo prazo hai que facerlles un seguimento transparente e apoialas de xeito consistente, e, se son de todos, como o caso da residencia, en ambas cousas debemos participar todos.
Así que aledámonos cando nos decatamos pola prensa dunha celebración interna cunha comida especial e a descuberta nun muro dunha árbore, realizada poñendo nas follas os nomes dos residentes ata o momento, e con fotos da visita de alcalde e concelleira do ramo. Lamentamos, iso si, que a nota de prensa do concello pase por alto algúns recoñecementos e sensibilidades, que esperemos se amañen no futuro, así como a necesidade de implicación da sociedade en conxunto, e non só das institucións que a representan, no coidado dos nosos maiores.
En fin, quedaría moito por dicir: só con repasar as verbas de José Mª no seu resume ‘Final feliz para unha histórica epopeya’, en época xa tan lonxe como 2014, podemos facernos unha idea de que o que tanto custou conseguir débese manter con cariño e traballo cara ó futuro. E nesas estamos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
