Viveiro, 6 de maio de 2021. O Concello de Viveiro presenta a súa programación para conmemorar o Día das Letras Galegas 2021, dedicado neste ano a Xela Arias. O programa impulsado polo goberno local pretende reivindicar a figura da escritora, así como a lingua galega, a través de actividades que involucran a todas as idades e adaptadas ás medidas sanitarias.
“Con esta programación queremos destacar a figura de Xela Arias, unha muller adiantada aos seus tempos, falando de temas tabú na súa época e comprometida co feminismo, o medio ambiente, a maternidade e por suposto a lingua galega”, afirma Lara Fernández Fernández-Noriega, concelleira de Cultura de Viveiro.
O propio Día das Letras Galegas, o 17 de maio, o goberno local impulsa a acción colectiva “Orgullodeser”, animando á veciñanza a saír á rúa cos seus traxes tradicionais galegos ou a integrar algúns dos complementos da vestimenta tradicional na súa roupa cotiá. “Esperamos que a xente se sume a esta iniciativa, para mostrar o orgullo de nós mesmos e da nosa tradición”, engade a concelleira de Cultura.
“O Día das Letras Galegas é unha data de celebración para a nosa lingua, coa que o concello está moi comprometido. Esperamos que os veciños poidan gozar da programación deste ano, coa que reivindicamos a figura de Xela Arias e que adaptamos ao contexto sanitario actual”, explica María Loureiro, alcaldesa de Viveiro.
Entre o 14 e o 17 de maio, Viveiro acollerá a xincana cultural e familiar “Calexeando”. A información sobre a actividade estará dispoñible a partir do día 13 de maio na web: www.calexeando.com e as 100 primeiras persoas en completar a xincana recibirán un agasallo.
O venres 14 de maio, o obradoiro de canto coral do CMUS de Viveiro ofrecerá o concerto “Música e Letras”, na sala multiusos ás 20:30, mentres que o sábado 15 de maio, realizaranse dous contacontos. En primeiro lugar, “Senlleiras”, ás 12:00, na sala multiusos Pedro Brandariz. A continuación, o contacontos “Arredor de Xela” representarase ás 18:00 na sala multiusos Raquel Queizás. Cómpre reservar as entradas para asistir a estas actividades no teléfono: 654208333.
O Día das Letras Galegas, o 17 de mail, alén da acción colectiva “Orgullodeser”, David Bellas, artista e profesor do CMUS de Viveiro, interpretará o Himno de Galicia ás 12:30 no balcón da Biblioteca Municipal. Nesa mesma xornada, ás 13:00, o grupo infantil de gaitas “Bágoas da Terra” realizará un pasarrúas pola vila de Viveiro.
Por último, a obra de teatro “Dúo Vaguedades”, unha peza que pon en valor a lingua galega, pechará a programación. A función será o 22 de maio ás 19:00 e contará coa participación de Fran Rei e Isabel Risco. Para asistir á representación, cómpre reservar a entrada no teléfono 654208333.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
