Lugo, 13 de maio de 2021. O Presidente da Deputación de Lugo, José Tomé Roca, xunto á Deputada de Réxime Interior, Promoción do Territorio e Turismo, Pilar García Porto, e o Deputado de Promoción Económica e Social, Pablo Rivera Capón, acompañados da Alcaldesa de Barreiros, Ana Ermida, e a Tenente de Alcaldesa, Carmen Veiga, supervisaron os traballos de renovación da vía provincial LU-P-0610, unha estrada paralela á costa do municipio mariñán.
Finalizado o estendido de aglomerado, procederase ao pintado e instalación da sinalización vertical na vía. A Deputación inviste 91.300€ nesta actuación, que afecta a o tramo comprendido entre os puntos quilométricos 3,400 e 5,400.
O Presidente avanzou que xa se está tramitando o proxecto para a mellora doutro tramo desta estrada estratéxica para Barreiros e a comarca da Mariña -entre os quilómetros 1,400 ao 3,400-, e reiterou o seu compromiso de que neste mandato quedará totalmente renovada.
Esta vía, paralela á costa de Barreiros, é o enlace entre as praias de Altar e Reinante e a glorieta da praia das Catedrais, sendo unha estrada que dá servizo a numerosos veciños e veciñas e visitantes que se achegan aos areais barreirenses. “Durante todo o ano son moitas as persoas que empregan esta vía, pero no período estival a circulación é moito maior e esta mellora aumentará a seguridade viaria”, destacou o mandatario provincial.
“Dende a Deputación consideramos que a rede viaria provincial é unha das liñas de actuación prioritarias, tal e como queda demostrado nos Orzamentos, nos que en 2021 aumentan os fondos para este fin nun 14%, ata chegar aos 16M€”, sinalou Tomé Roca. Así mesmo, recordou que “a mobilidade é un dereito máis da cidadanía, e manter en bo estado as comunicacións por estrada é imprescindible para favorecer a igualdade de oportunidades e o equilibrio territorial, e, polo tanto, para fixar poboación no rural”.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
