Lugo, 13 de maio de 2021. A sombra da dúbida planeou ou planea aínda sobre algúns procesos selectivos convocados pola Deputación de Lugo dende que o socialista José Tomé preside a Deputación de Lugo.
Decisións como a de aportar unha subvención ao sindicato UGT, do que é responsable en Lugo o seu irmán Ángel, ou a pouca sensibilidade demostrada cos antigos traballadores de Suplusa encargados das zonas verdes conforman un panorama de xestión de recursos humanos que leva a que moitos dos máis directamente afectados se pregunten que foi do Tomé sindicalista. O grupo popular, por medio do viceportavoz José Antonio García, demanda do goberno provincial, e sinaladamente do seu presidente, máis transparencia na xestión de persoal e un trato igualitario para todos os integrantes do cadro de persoal.
Cando a finais do ano pasado, o presidente Tomé concedeu unha subvención de 19.997,50 euros ao sindicato UGT, do que é responsable en Lugo o seu irmán, non foron poucos no campo sindical os que expresaron certo malestar, tanto polo pouco estético do feito en si, como polo que puidera ter de discriminación con respecto a outras organizacións. O convenio, para actividades de asesoramento a persoas afectadas por ERTE, firmárono José Tomé e Ángel Tomé.
Na mesma liña de decisións de estética brumosa enmárcase a selección de Sonia Verdes, ex deputada socialista, como veterinaria da Deputación, un proceso no que quedou en segundo lugar o ex concelleiro socialista lucense Daniel Piñeiro. É este un asunto que posiblemente aínda dará moito que falar.
A disolución de Suplusa levou a que os seus traballadores, por decisión do goberno provincial, teñan presentes laborais moi distintos. Mentres algúns foron incorporados ao cadro de persoal da Deputación, outros (os encargados das zonas verdes) foron subrogados en Tragsa, onde seguen, aproveitando que, mediante a compra dunha acción, esta empresa ten a consideración de medio propio da Deputación. Por que se da tal discriminación? A resposta tena o presidente da Deputación. Non hai que esquecer que hai abertas reclamacións en vía xudicial, tanto de funcionarios que consideraron danados os seus intereses profesionais, como de aspirantes a prazas na Deputación que se consideran inxustamente valoradas.
Hai cuestións dificilmente entendibles na política de persoal que desenvolve o presidente da Deputación. Por exemplo, o persoal de Mantemento da Deputación leva dous anos sen recibir roupa de traballo. O goberno provincial decidiu centralizar a compra de equipos de traballo, e mentres os outros servizos xa empezaron a recibir o equipamento, os de Mantemento seguen sen el. Agora, por outro lado, Tomé logrou crear algunha preocupación entre o persoal da TIC.
Tomé non ten só na Deputación frontes abertas en materia de selección e xestión de persoal na Deputación. Como alcalde de Monforte, conseguiu dar notoriedade ás probas para selección de axentes de policías locais ao facelas coincidir coas convocadas pola Academia Galega de Seguridade; finalmente, ningún dos poucos que se presentaron as probas en Monforte logrou superalas. Tamén ten aberto Tomé unha fronte de conflito con traballadores do Conservatorio.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
