Santiago, 11 de maio de 2021. O Parlamento de Galicia aprobou hoxe a Lei de recuperación da terra agraria de Galicia, unha norma “necesaria e valente que dará máis instrumentos ao noso rural para seguir mellorando”, manifestou a portavoz do Medio Rural do Grupo Popular, Elena Candia. “Estamos a aprobar un marco xeral para a xestión da terra para uso agrario, gandeiro e forestal, para loitar contra os lumes forestal e traballar pola fixación da poboación no rural galego”, apuntou.
Elena Candia comezou a súa intervención agradecendo o traballo desenvolvido na tramitación parlamentaria desta proposición de lei, á que se incorporaron 279 emendas dos grupos parlamentarios. “É unha lei de todos, porque ás emendas presentadas polo Grupo Popular se engadiron a metade das presentadas polo PSdeG e o 37 por cento das presentadas polo BNG”, concretou.
CAMBIO DE CRITERIO INXUSTIFICABLE DO BNG
Neste sentido, lamentou “o cambio de criterio dunha maneira inxustificada” por parte do BNG, ao votar en contra desta lei no Pleno logo de absterse no debate en Comisión. “É a fiel imaxe do que vivimos durante a tramitación parlamentaria da lei, xa que un día parecía que lle gustaba ao deputado do BNG pero ao día seguinte viña con algún argumento para votar en contra”, sinalou a portavoz popular.
“O rural galego empeza unha nova etapa e o máis importante será a partir de que estes instrumentos que hoxe se crean se empecen a aplicar”, manifestou Elena Candia. En concreto, referiuse á creación dos polígonos agroforestais, que aportarán unha nova dimensión para que as explotacións poidan ser máis sostibles; o reforzo do banco de terras, fundamentándose na voluntariedade dos propietarios; ou a actualización do catastro, unha demanda do rural galego e que permitirá corrixir moitas deficiencias.
Así mesmo, Candia lanzou unha mensaxe á mocidade, que contará coa nova figura do banco de explotacións, para garantir e impulsar a continuidade das unidades produtivas rendibles, ou os espazos agrarios de experimentación, nos que as persoas mozas ou emprendedoras poidan recibir formación e probar o seu modelo de negocio; e aos pensionistas, que terán mecanismos que lles permitan sacar unha maior rendibilidade ás súas explotacións.
“Todos estes instrumentos son absolutamente innovadores e moi comprometidos co noso rural, cos que Galicia abre unha nova páxina importante da súa historia”, subliñou Elena Candia
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
