sdr
Burela, 22 de maio, 2021. Nerea Francos Cornide, Paula López Martínez e Raúl Cayón Fernández, alumnado de 3º de ESO do IES PERDOURO de Burela, representarán a Galicia na final nacional que se celebrará en Oviedo no mes de setembro.
Na fase autonómica da II Olimpíada Científica Xuvenil Española que se celebrou entre os días 6 e 7 de maio de 2021 de forma telemática, participaron 3 equipos do IES Perdouro. A proba telemática consistiu nun único exame de 45 preguntas a resolver en equipos de 3 alumnos. As preguntas requirían coñecementos de matemáticas, física, química, bioloxía e xeoloxía; dun nivel correspondente a un 3º da ESO «avanzado».
Sendo o mellor equipo de Galicia, Nerea, Paula e Raúl participarán na final nacional da Olimpíada Científica Xuvenil Española, que se celebrará en Oviedo a principios de setembro. Aí competirán xunto a outros 17 equipos por representar a España na fase internacional.