Este 25 de Maio, reuniránse para facelo en distintos puntos de Galicia. Cambia o lugar e tamén cambia a hora. Realizarase esta vez durante a tarde para intentar que as persoas convocadas como servizos mínimos podan acudir tras finalizar a súa xornada laboral.
A metade das traballadoras do Centro de Día de Abadín, apoiarán en Burela e a outra metade en Lugo.
Búscase tamén a compañía nas mobilizacións das familias usuarias dos servizos do Consorcio que sofren a ineptitude da Xunta para solucionar esta situación de conflito
A qué se deben estas protestas?
Só queremos visibilizar a nosa causa e reclamar os nosos dereitos como traballadoras en fraude de lei. Chegamos aos nosos postos tras pasar unha oposición ou un concurso de méritos. A administración tiña que regular os contratos nun prazo de 3 anos e pasaron 14. Desatendeu as súas obligacións coas 1200 traballadoras do consorcio e agora non quere nin escoitalas. As coidadoras das persoas máis vulnerables pensamos que “senón coidas, descoidas”. Sentímonos defraudas.
En qúe situación laboral estades e dende cando?
En Abadín, somos 8 persoas afectadas por este abuso. Levamos cubrindo vacantes en abuso de temporalidade máis de 5, 8, 10 e 12 anos. Entregamos os mellores anos da nosa vida a unha empresa que estaba no limbo, sin a equiparación salarial da Xunta de Galicia pero cos mesmos requirimentos. Estamos a falar de que todo este tempo estivemos a cobrar uns 3000 euros menos ao ano que outra persoa da nosa categoría na administración, sen complementos, trienios, etc.
Por este motivo, non pedimos que nos regalen nada máis que xustiza. Á empresa privada non se lle permite abusar dun contrato temporal pero sí á pública.
A nosa realidade é a seguinte: se unha traballadora interina vai a exame e non queda entre as 100 mellores notas, por exemplo, xa non se lle ten en conta o tempo traballado. Vaise para o paro cunha man diante e outra detrás, sen indemnización de ningún tipo.
Algúen vos informou do acordo ao que chagaron os sindicatos coa Xunta de Galicia?
Éramos conocedoras da entrada do Consorcio ao V convenio do persoal laboral da Xunta de Galicia, o cal nos beneficiaba xa que levábamos moitos anos só coa única referencia do estatuto básico, sen cobrar trienios nin complementos. Ademáis, sen ter a opción de consultar cál era a nosa posición nas listas de contratación xa que estas non eran públicas.
A nosa sorpresa é que agora, a Xunta negocia cos sindicatos unhas OPES de acceso libre. É dicir, as que estamos nos centros en plena pandemia competimos coas que están na academia. Non sirve só aprobar un exame oposición, senón que temos que ter as mellores notas para que nos teñan en conta o tempo traballado. Se o conseguimos e quedamos, probablamente sen opcións de permanecer no mesmo lugar. Poderíase dar o caso de que estas 8 traballadoras en Abadín queden dispersas por toda Galicia, o cal non só repercutiría nas familias das mesmas, senón tamén na que formamos coas persoas maiores neste pequeno pobo da chaira.
Porqué credes que sae a OPE xusto neste momento de pandemia?
Anunciárono como postos de reforzo de persoal, pero non é certo. No son prazas de nova creación. Levan ocupadas moito máis anos dos que deberían por lei e Europa está amenzando con sancionar ás administracións españolas que abusen da temporalidade. No caso de que apurasen esta sentenza, a sanción para o consorcio sería facer fixos ao 90% do persoal. Sabemos que esta situación se podería arranxar deixando os postos do consorcio a extinguir ata as xubilacións, que na maoría dos casos son poucos anos. Pero falta predisposición política. O único sindicato que nos apoia é a CNT que por non ter representación no comité de empresa non o reciben.
Pedistes apoio á comunidade?
Sí, convocamos folga diante do centro de día acudindo algúns veciños e familiares de usuarios que acuden ou acudiron a este servizo. Tamén están interpoñendo reclamacións ao Consorcio polas consecuencias da perda de servizo de transporte os días de folga e enviándonos mensaxes de ánimo ou participando na recollida de firmas.
Nós sentimos moito os danos colaterais pero pensamos que desestructurar un equipo de profesionais enteiro sería moito peor. Somos mulleres loitadoras que non pretendemos que se nos aplauda polo noso traballo pero que tampoco podemos dar a espalda para que nos den palmadiñas por detrás e asentir a todo.
Queremos aproveitar este espazo para agradecer a comprensión e o apoio a todos os que conocen este lugar. Hoxe ten cruces negras no xardín da súa entrada que a pesar de todo, fixemos con amor como o todo o que facemos a diario neste traballo.