Santiago de Compostela, 4 de maio, 2021. A viceportavoz do BNG, Olalla Rodil avanzou que na Xunta de portavoces, para elaborar a orde do día da vindeira sesión plenaria, o BNG solicitou incluír a comparecencia do presidente da Xunta co fin de explicar a evolución da pandemia, a campaña de vacinación e as medidas da Xunta de Galiza cara a desescalada e ante o remate da vixencia do estado de alarma previsto para o 9 de maio.
Sobre a solicitude, a nacionalista explicou que a proposta do PP foi substituír a sesión de control pola comparecencia de Feijóo, proposta que foi rexeitada polo BNG. Feijóo, recalcou Rodil “debe responder ás preguntas de control, algo compatible coa comparecencia si houbese vontade por parte do Presidente da Xunta. O PP non quixo que comparecera presidente e no seu lugar será o conselleiro de sanidade. Dende o BNG insistimos en que debe ser o presidente o “que dea a cara”. A sesión de control e as comparecencias “non son un intercambio de cromos”, recalcou
Por outra parte, engadiu que a pregunta da portavoz nacional do BNG, Ana Pontón ao presidente de Xunta estará centrada na crise industrial que a afecta gravemente a Galiza de Norte a Sur e de Leste a Este. Esta crise, dixo, non se produciu durante a pandemia e está a producir a perda de centos de postos de traballo e ameaza de perda de emprego de miles de traballadores.
A mocidade vive unha “dupla crise”
O BNG interpelará ao goberno sobre a situación laboral da mocidade, unha xeración cunha “dupla crise”, a do 2008 e agora novamente golpeada pola crise da pandemia. A mocidade é un dos segmentos de poboación máis castigados polas consecuencias da CODIV19 e xa partía de menos dereitos e peores condición laborais. Ese “cóctel de precariedade e pandemia” como reflicte a última EPA confirma que en Galiza temos máis traballadores e traballadoras de máis de 55 anos que de menos de 35. Rodil sumou a esta situación, a emigración padecida por Galiza dende hai décadas e as que urxe poñer freo.
A lingua galega será outro dos asuntos que levará a pleno cunha proposición non de lei promovida pola Mesa pola Normalización lingüística para crear unha canle “Xabarín 24hs” na TVG e impulsar os contidos xuvenís e infantís en galego nos medios públicos e plataformas.
Ademais, solicitamos, avanzou Rodil, a comparecencia do conselleiro de Educación para dar conta a situación da lingua galega e ao fío dos últimos informes a este respecto, tanto o informe do Consello de Europa como o publicado pola RAG. O Partido popular, criticou Rodil, tamén “vetou esta comparecencia”. Aínda así, desde o BNG interpelaremos ao goberno galego sobre esta cuestión.
O BNG pide á Xunta que impida o espolio dos bens do Pazo de Meirás
Entre as propostas que serán debatidas á iniciativa do BNG, figuran: unha pregunta oral en pleno sobre as previsións da Xunta de Galiza a respecto dos bens que se atopan no Pazo de Meirás, despois do auto ditado pola Audiencia Provincial da Coruña. A Xunta, afirmou Rodil, debe utilizar todos os instrumentos ao seu alcance para defender os intereses públicos da cidadanía fronte aos “herdeiros do ditador”. É urxente que o goberno galego incoe un expediente para incluír no BIC de Meirás todos os bens mobles que pola súa vinculación co “sitio histórico” deben formar unha unidade.
Finalmente, Rodil tamén fixo alusión á petición do BNG para iniciar o proceso de renovación do Consello de Administración da CRTVG, cuxo mandato caducou “hai catro meses”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
