A Mariña, 5 de maio de 2021. Mais de 20 profesionais asisten hoxe e mañá en Foz a un curso, organizado pola Mancomunidade de Concellos da Mariña en colaboración coa Deputación de Lugo e coa Uned. Denomínase Formación en ferramentas de uso turístico e promoción online: Google Maps/My Business, Tripadvisor e Wikiloc.
O curso desenvólvese de 9 a 15 horas de xeito presencial na Uned, en Foz. Ofrécese tamén a versión online. Está a ser impartido por Cristina Collazo, especialista en Marketing online e comunicación para o sector turístico e cultural, con máis de 15 anos de experiencia en marketing e comunicación turística e directora dunha empresa de turismo activo de Galicia; e por Pablo Conde, técnico deportivo de montaña de nivel II, que conta con ampla experiencia no uso de dispositivos GPS e Wikiloc.
Segundo explica a axente de Deselvolvemento Turístico da Mancomunidade, Tania Hermida, “logo destas dúas xornadas presenciais, prevemos organizar dúas xornadas máis de acompañamento estratéxico, unha presencial e outra xornada online, na que analizaremos cales poden ser as problemáticas ou dúbidas específicas das comentadas plataformas, para lograr solucionalas e avanzar no proceso de dixitalización dos recursos territoriais turísticos”.
O presidente da Mancomunidade, Fran Cajoto, lembrou que “dende a irrupción da Covid19, grazas á colaboración da Xunta de Galicia e da Deputación de Lugo, a Mancomunidade de Concellos da Mariña Lucense traballa co obxectivo de mellorar a competitividade do xeodestino no entorno online. Así, durante o pasado ano o realizamos unha serie de accións en materia de Intelixencia Turística: formación en domunicación dixital, marketing e novas tecnoloxías para a promoción de destinos e empresas turísticas na era Covid-19, en Foz e Xove; estudo de posicionamento do xeodestino A Mariña Lucense, dos concellos que o integran e do sector privado; estratexia de Comunicación do xeodestino A Mariña Lucense; e foro de Intelixencia Turística da Mariña Lucense, organizado no pasado mes de decembro”.
Cajoto explicou que “nese Foro de Intelixencia Turística da Mariña Lucense unha das cuestións que se puxo enriba da mesa foi a xestión mellorable en plataformas como Google Maps (Google My Business), TripAdvisor ou Wikiloc por parte dos Concellos.Tamén, durante as reunións con alcaldes, alcaldesas, concelleiros/as e técnicos responsables de turismo, onde se trataron os estudos de posicionamento e cada caso en particular detectouse a necesidade formativa xeralizada no uso destas ferramentas relevantes a nivel turístico e deportivo”.
Para Fran Cajoto e Tania Hermida “estar presentes a día de hoxe nestas plataformas, tórnase vital para ofrecer ao visitante e ao turista, xa dende a etapa de planificación de viaxe, información de calidade e unha experiencia satisfactoria de dita fase de preparación. Tendo en conta isto, da man dos Concellos, co apoio da Deputación de Lugo e en colaboración coa UNED de Foz, viuse oportuno e necesario organizar un curso de formación para ser quen de publicar en ditas plataformas os seus recursos turísticos e as rutas que existen nos seus concellos e poñelo a disposición do usuario, antes de chegar ao xeodestino, e tamén para que os visitantes poidan dispoñer de dita información durante a súa estancia. Cada vez máis usuarios demandan información sobre rutas na rede, máis alá de mapas e folletos en formato físico”.
E engaden que “nos Concellos e concretamente nas oficinas de turismo deben estar preparados para responder a dúbidas de usuarios sobre os propios tracks e ser quen de coñecer este tipo de ferramentas e conceptos básicos de xestión das mesmas”.
Nesta formación, que se imparte hoxe e mañá en Foz, participan 22 responsables e técnicos de Turismo, Cultura, Deportes e TIC dos 16 Concellos da Mancomunidade de xeito presencial, online ou en diferido.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
