Barreiros, 18 de maio de 2021. A Xunta de Goberno de Barreiros vén de dar luz verde ao texto dun convenio de cooperación coa Secretaría Xeral para o Deporte da Xunta de Galicia para a instalación dunha pista multideporte en San Cosme.
O proxecto aprobado está valorado en 29.938,17 euros, nos que se inclúen as labores de adecuación da zona lindeira ao colexio para a dotación dunha zona de esparexemento e xogos; dos cales a Xunta de Galicia aporta 20.000 euros e os 9.938,17 restantes se financian con cargo ao orzamento municipal de Barreiros.
A alcaldesa explica que esta actuación persigue o obxectivo de “dotar a San Cosme dunha zona urbana con servizos para todas as idades e, especialmente, para as nenas e nenos dunha idade na que xa non fan uso do parque infantil, pero precisan os seus espazos de ocio.”
Esta actuación súmase á recente instalación dunha zona de compostaxe comunitaria e á colocación próxima da pista de skate na parte traseira do teleclub. Ana Ermida insiste en relacionar “todas as obras que se proxectan no centro de San Cosme -como a humanización da rúa do centro social ou a rehabilitación das antigas escolas e o teleclub- como un proxecto ambicioso de facer do núcleo urbano de San Cosme un espazo no que as persoas dispoñan de servizos e zonas nos que a vida sexa máis cómoda, sendo así máis atractivo.”
A pista que se instalará tras a sinatura do convenio entre as dúas administracións e o proceso de licitación correspondente, consistirá nun espazo con peche perimetral para protexer as nenas e nenos no que se intalarán canastas e porterías para o xogo ao aire libre.
A alcaldesa valorou positivamente a cooperación interadministrativa que está a conseguir o Concello de Barreiros con outras administracións, que permiten levar a cabo obras e dotar de servizos que a administración local en solitario non podería afrontar; como por exemplo o abastecemento da zona de Remior –nos que a delegación de medio rural da Deputación Provincial aporta 175.000 euros- que se atopa neste momento en licitación para a súa execución.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
