Castro de Rei, 18 maio de 2021. O vicepresidente económico e conselleiro de Economía, Empresa e Innovación, Francisco Conde, adiantou hoxe que o Consello da Xunta do vindeiro xoves aprobará o Plan estratéxico do Polo Aeroespacial de Galicia para os vindeiros cinco anos. Segundo dixo, será a folla de ruta a seguir para atraer investimentos e consolidar o ecosistema de innovación e de empresas que Galicia xa leva forxado en torno a este sector.
Nunha visita aos hangares que Indra e Babcock construíron no aeródromo de Rozas (Castro de Rei), Conde subliñou que, con esta infraestrutura e coa urbanización da primeira fase do Parque Tecnolóxico e Industrial, se está poñendo á disposición da comunidade científica e empresarial unhas instalacións únicas, avanzadas e de vangarda para desenvolver novos proxectos de base tecnolóxica no ámbito dos vehículos aéreos non tripulados. Actualmente están urbanizados máis de 31.400 metros cadrados dos que máis de 7.100 son parcelas para empresas, cun investimento que suma 4,5 millóns de euros en total, incluídos os dous hangares.
O vicepresidente económico apuntou que toda esta infraestrutura constitúe un ecosistema orientado á I+D+i ao que tamén contribúe o Centro de Investigación Aeroportada de Rozas (CIAR) que, neste momento, conta cunhas instalacións pioneiras en Europa para a realización de ensaios certificados e para a investigación con vehículos aéreos non tripulados; por exemplo, a torre de control tecnoloxicamente máis avanzada de España.
Coa aprobación do Plan Estratéxico do Polo Aeroespacial de Galicia trátase de dar continuidade ao traballo realizado desde que en 2015 se puxo en marcha esta iniciativa, que xa mobilizou dez veces máis do investimento previsto, 164 millóns de euros en total, coa participación de 937 profesionais. De feito, lembrou que o Polo Aeroespacial de Galicia é un proxecto tractor e estratéxico na candidatura galega aos fondos Next Generation para o que a Xunta espera mobilizar máis de 500 millóns de euros.
Agora, de cara ao horizonte de 2025 e co aliciente que supoñen os fondos europeos, a vista estará posta en catro obxectivos: convertir o Polo Aeroespacial de Galicia en epicentro da I+D+i aeroespacial na Comunidade; mellorar a eficiencia e a eficacia dos servizos públicos mediante o uso de aeronaves non tripuladas; xerar capacidades e coñecemento científico básico; e posicionar Galicia e España como un actor global no sector.
Conde concluíu aseverando que Galicia está sabendo posicionarse e que soubo ver con antelación o potencial de crecemento deste sector. E puxo o Polo Aeroespacial de Galicia como exemplo de colaboración público-privada e do alcance que pode adquirir un proxecto cando nel intervén a Administración da man do tecido empresarial.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
