Alfoz, 19 de maio de 2021. A subdelegada do Goberno, Isabel Rodríguez, destacou hoxe “a importancia da prevención dos riscos aos que se enfrontan actualmente a infancia e a mocidade para evitarlles sufrimentos agora e no futuro”, durante a presentación dunha actividade realizada en Alfoz polo equipo da Comandancia da Garda Civil responsable do Plan Director para a mellora da convivencia e a seguridade nos centros educativos e os seus contornos. Na actividade, dirixida a nais e pais de escolares menores de 6 anos participantes no programa Educando en Familia, tamén estiveron presentes a tenente de alcalde do Concello de Alfoz, Ana Aránzazu Ares Incera, e a responsable do devandito programa educativo neste municipio da comarca da Mariña, Encarna Santos.
Isabel Rodríguez falou da valiosa labor que levan a cabo as forzas de seguridade entre os mozos e mozas da provincia coas actividades que realizan tanto a Garda Civil como a Policía Nacional para toda a comunidade educativa.
Os membros do equipo da Garda Civil da Comandancia de Lugo ligados ao Plan Director Héctor Méndez e Ramón Peña explicáronlles esta mañá aos asistentes ás dúas sesións de formación cómo actuar diante de situacións de acoso escolar e tamén lles ofreceron formación sobre os riscos que pode entrañar para a infancia e a mocidade facer un mal uso das novas tecnoloxías.
Estas charlas, que se celebraron na Casa da Cultura de Alfoz forman parte da programación para este mes de maio do equipo da Garda Civil responsable de desenvolver na provincia o Plan Director.
CON EDUCANDO EN FAMILIA EN 15 CONCELLOS
No caso do programa Educando en Familia, este curso, debido á pandemia, só se realizan actividades dirixidas a nais e pais de escolares. En total, o equipo de formadores da Garda Civil ten previsto realizar durante este mes de maio charlas para participantes neste programa en 15 concellos da provincia: Ribadeo, Begonte, Xermade, Guitiriz, Burela, Castro de Rei, Cervo, Foz, Alfoz, Outeiro de Rei, Ourol, Mondoñedo, Riotorto, Barreiros e O Vicedo.
NOS CENTROS ESCOLARES
Ademais, os formadores da Garda Civil continúan neste curso académico coas actividades dirixidas a centros escolares. Neste caso, levan realizado ata agora un total de 57 conferencias, a maioría delas por medios telemáticos, nas que participaron 2.082 alumnos e 136 membros do profesorado.
Ata rematar o curso teñen programadas novas charlas sobre temas como violencia de xénero, seguridade vial, acoso escolar, adicción a vídeo xogos, riscos das novas tecnoloxías e alcol e drogas para alumnos de primaria e secundaria de O Saviñao, Becerreá, Chantada, Portomarín, Cervo, Begonte, Meira, Cospeito, O Páramo, Láncara, Rábade e Burela.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
