Foto de arquivo
A Mariña, 19 de maio de 2021. A Mancomunidade de Concellos da Mariña Lucense promocionará en Fitur 2021 a oferta coma destino turístico slow e responsable no que o visitante pode atoparse a si mesmo e descubrir o seu norte particular, despois duns meses nos que a sociedade tivo que soportar situacións de tensión e incerteza a causa da crise provocada pola covid-19. O acto de presentación do xeodestino terá lugar mañá, xoves, ás 16:30 horas.
O presidente do ente, Fran Cajoto, explica que “dende a Mancomunidade, nunha reunión cos distintos Concellos, decidiuse aproveitar esta ferramenta de promoción que, coma todos os anos, nos brinda Turismo de Galicia. Así, A Mariña estará presente na Feira Internacional de Turismo (Fitur) no stand de Galicia e presentaremos ante autoridades, prensa especializada, turoperadores e profesionais do sector turístico a nosa última campaña Volve a encontrar o Norte. Visita A Mariña Lucense”.
Cajoto subliña que “a participación na feira ten por obxectivo axudar na promoción e reactivación turística do xeodestino co obxectivo de reducir o impacto que a crise sanitaria está tendo nesta comarca e tratar de seguir sendo unha opción nunha época na que os destinos nacionais gañan aínda mais peso dentro da oferta turística”.
A promoción da Mariña en Fitur terá lugar na presentación programada para este xoves, 20 de maio, ás 16:30h no stand de Turismo de Galicia baixo o título Vuelve a encontrar el Norte. Visita A Mariña Lucense. Encargaranse de trasladar as bondades desta comarca o presidente da Mancomunidade, Francisco Cajoto, que estará acompañado polo Delegado Territorial da Xunta, Javier Arias, e polo presidente da Deputación de Lugo, José Tomé.
Fran Cajoto indica que “a campaña, que se lanzaba o ano pasado xusto despois do peche perimetral que sufría a área sanitaria da Mariña Lucense, e que contou coa colaboración da Xunta de Galicia e da Deputación de Lugo, pretende reivindicar A Mariña Lucense como un xeodestino ubicado ao norte da provincia de Lugo, á beira do Mar Cantábrico, no que o visitante pode atoparse a si mesmo e descubrir o seu norte particular, despois dos duros meses vividos durante a pandemia”.
A axente de Desenvolvemento Turístico da Mancomunidade, Tania Hermida, conta que “durante o acto de mañá proxectaranse as distintas gráficas da campaña, que veñen a representar os principais atractivos da comarca: natureza, na costa e interior, patrimonio cultural, gastronomía, vida rural, tranquilidade e calidade de vida. Tamén se presentará un novo vídeo para esta campaña e darase a coñecer a guía recentemente publicada do xeodestino, que ven promover os principais atractivos e produtos da comarca, ferramenta que ademais viñan demandando os turoperadores”.
E engade que “así mesmo o material promocional do xeodestino estará dispoñible a demanda dos profesionais do sector e do público xeral na área provincial do stand de Galicia. Ademais concertaranse reunións con operadores turísticos co obxectivo de presentarlles toda a variedade de recursos, de produtos e de servizos turísticos do xeodestino, coñecer toda a oferta da Mariña Lucense, ampliar a presenza do xeodestino nos seus programas e a inclusión da comarca entre a súa oferta, de ser o caso. Tamén se visita a feira co obxectivo de coñecer casos de éxito noutros destinos así coma tecnoloxías a aplicar no territorio”.
Fitur 2021 celébrase desde hoxe ata o domingo, 23 de maio, en Madrid.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
