A Mariña, 6 de maio de 2021. A Mancomunidade aprobou no pleno celebrado onte o Plan de Sustentabilidade Turística para A Mariña Lucense, que opta á nova convocatoria da Secretaría de Estado de Turismo.
O presidente da Mancomunidade, Fran Cajoto, que participara como poñente na presentación da nova convocatoria dos Plans en Lanzarote en representación dos destinos rurais costeiros, quere agradecer o consenso do plenario: “estamos seguros da calidade do plan, que xa nos trasladara a Secretaría de Estado de Turismo e ao que houbo que facerlle pequenos reaxustes para adaptalo á nova convocatoria. Nese sentido hai que agradecer á Fundación Juana de Vega, financiada pola Xunta de Galicia, o traballo técnico que realizaron”.
O alcalde de Foz e presidente da Mancomunidade agarda contar co apoio das administracións a unha comarca eminentemente turística que non o está a pasar ben, na que pesa e moito a incerteza sobre Alcoa: “o portavoz do Partido Popular na Mancomunidade e alcalde de Xove, Demetrio Salgueiro, comprometeuse a facer as xestións oportunas na Xunta de Galicia, que tamén expresou o seu compromiso co Plan de forma pública a través do vicepresidente, Alfonso Rueda. Necesitamos contar co apoio político a un plan tecnicamente impecable e que grazas á Secretaría de Estado de Turismo puidemos visualizar en Lanzarote ante toda España. Hai que seguir traballando nesta vía de consenso”
O presidente da Mancomunidade, Fran Cajoto, explicou que “para a revisión e actualización do Plan mantivemos reunións de traballo cos concellos e co tecido turístico empresarial para analizar a nova convocatoria e onde foi presentado e analizado”.
A Mancomunidade de Concellos da Mariña Lucense presenta un Plan de Sustentabilidade Turística por un importe de 3 millóns de euros a desenvolver do 2022 a 2024, “que ten por obxectivo impulsar un desenvolvemento turístico sostible e rentable na Mariña, cunha visión do turismo a medio e longo prazo. Temos un enorme potencial, xa que contamos con un patrimonio cultural e un entorno natural de enorme beleza, que debemos poñer en valor. Debemos sacudirnos complexos e avanzar, ser un reclamo turístico tamén fóra da tempada de verán, e que o turismo á súa vez contribúa a mellorar a cohesión territorial e frear a perda demográfica que se está a dar nos concellos do interior da Mariña.”
Fran Cajoto indicou que o plan se estrutura en varios eixos: “os dotados con maior inversión son os correspondentes a márketing e intelixencia turística –dotado con 600 mil euros para comercializar e promocionar o destino turístico- e o denominado Crecemento Sostible, no que se consignan algo máis de 1,6 millóns de euros. Este eixo ten como obxectivo a mellora ou creación de novos equipamentos e produtos turísticos, no que se inclúen as seguintes accións: deseño e promoción de actividades/recursos de turismo cultural como a ampliación das audioguías ficcionadas, a reactivación da Ruta de Pardo de Cela, o turismo activo, ecoturismo ou deportivo a través de rutas de sendeirismo, cicloturismo ou BTT; a posta en valor do turismo xeolóxico e de observación de aves; o turismo gastronómico e o agroturismo poñendo en valor o produto e os produtores locais; o turismo slow creando e consolidando produtos existentes; o Camiño do Mar como ruta a Santiago ou a creación de rutas interpretativas vinculadas aos miradoiros e aos recursos hídricos como as fervenzas da comarca”.
Os Plans de Sustentabilidade Turística son solicitados polas entidade locais. Será de novo a Mancomunidade quen fará a solicitude, que abarca todo o xeodestino, alentada e co apoio da Xunta de Galicia. Este Plan podería chegar a contar cun orzamento de 3 millóns de euros para un período de 3 anos (2022-2024). O Estado a través da Secretaría de Estado de Turismo financiaría o 45%, a Xunta de Galicia outro 45% e a Mancomunidade financiaría o 10% restante.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
