Viveiro, 8 de maio de 2021. A alcaldesa de Viveiro, María Loureiro, considerou esta tarde a Feira das Maulas “un símbolo da parroquia de Galdo”, agradecendo “o esforzo e a colaboración veciñal para mantela viva”.
Aínda que este ano non pode de novo celebrarse pola pandemia do coronavirus, o Teatro Pastor Díaz acolleu a presentación do documental sobre a feira, realizado por Paco Salgueiro.
A través das testemuñas dos veciños e veciñas de Galdo, o documental recolle a esencia do evento e conmemora os primeiros 300 anos da oficialidade da Feira das Maulas, desde aquel 1721 no que o Real Consejo de Castilla legalizouna a través dunha Real Cédula.
“Quero dar as grazas ás persoas que aparecen no documental, todas elas moi necesarias polo seu traballo na asociación de veciños, na comisión de organización da Feira das Maulas ou nos establecementos e tabernas da parroquia”, apuntou a alcaldesa.
“Todas elas teñen ademais unha característica en común: o seu amor por Galdo e por manter viva a tradición da Feira das Maulas, sen dúbida algo máis que un mercado… un lugar de encontro, un acontecemento social, unha festa, un símbolo da parroquia, engadiu.
En palabras de María Loureiro, “a Feira das Maulas forma parte de algo inmaterial e intanxible, de algo imprescindible en parroquias como Galdo: o sentimento de pertenencia. É marabilloso ver o orgullo co que os veciños e veciñas de Galdo explican a feira, lembran anécdotas, emociónanse ao pensar nas persoas que xa non están e falan sempre de axudar, de colaborar ou de botar unha man”.
“Estou segura de que ese sentimento de pertenencia estará sempre moi por encima das dificultades e permitirá manter viva a Feira das Maulas, todavía algo máis inmortal despois deste documental que hoxe presentamos”, asegurou.
“Todos e todas temos que mirar pola Feira das Maulas, coidala e saber transmitila para mantela viva, porque máis aló do que é a feira en sí, conseguir que As Maulas sigan cumprindo anos é manter o sentimento de pertenencia, o espíritu colectivo, a colaboración veciñal, a parroquia e o pobo”, rematou.
Por último, Loureiro agradeceu “o esforzo de todas as persoas e entidades sociais e culturais que manteñen viva a historia de Viveiro e as súas tradicións”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
