Santiago de Compostela, 5 de Abril 2021. A portavoz nacional, Ana Pontón, pide a comparecencia en Pleno do presidente da Xunta para que explique o proceso de vacinación, toda vez que, cos últimos datos oficiais publicados, en Galiza aínda están ser recibir a primeira dose o 31% das persoas maiores de 80 anos, en cifras absolutas arredor de 74.000 persoas.
“O Goberno que presumía de poder administrar 100.000 vacinas diarias aínda non foi capaz de completar a vacinación do 100% dos maiores de 80 anos, un colectivo de 235.000 persoas”, indicou a líder nacionalista, quen é consciente de que houbo problemas de subministro, “pero tamén é evidente que algo non se está facendo ben cando estamos á cola da vacinación das persoas octoxenarias segundo os últimos datos oficiais publicados”.
A portavoz do Bloque tamén considera urxente que o xefe do Executivo explique en sede parlamentaria toda unha serie de interrogantes arredor do proceso de vacinación, porque a práctica da Xunta é anunciar propagandisticamente a inoculación do antídoto a unha sucesión de colectivos sen despois concretar datos dos resulstados.
Entre as cuestións que debe responder, Pontón fixo fincapé na situación das persoas maiores de 80 anos con algún tipo de discapacidade que lle impide desprazarse ao centro de saúde para ser inmunizados. “Cantas persoas maiores están nesta situación e cal é o calendario e os efectivos dispostos para que sexan vacinados é un dos asuntos que Feijóo debe explicar no Parlamento”, alegou.
A falta de transparencia na vacinación tamén impide saber como está o proceso nos colectivos prioritarios como o persoal sanitario, o persoal docente ou o persoal das actividades esenciais, ao que se suman os anuncios por tramos de idade e a evolución da administración do antídoto por áreas sanitarias.
“En definitiva, hai moitas interrogantes porque non sabemos como se procede no caso das persoas octoxenarias con discapacidade, non hai datos claros sobre o proceso de vacinación por tramos de idade ou colectivos, hai desigualdades nos ritmos segundo a área sanitaria e a todas estas interrogantes debe responder o presidente da Xunta”, recalcou, para superar a “opacidade” dun plan de vacinación “que non está cumprindo os obxectivos marcados”.
Todo isto pese a que a vacinación masiva é imprescindible para derrotar ao virus, “tanto desde o punto de vista sanitario como económico”, e cando os datos publicados deixan en evidencia que “a propaganda vai por un lado e a realidade vai por outro”, xerando unha situación que provoca “desánimo entre a cidadanía e descrédito nos responsables públicos. Tras un ano de pandemia, alegou-, o mínimo que se merecen os galegas e galegos é un Goberno que cumpra, que non xogue á propaganda e a publicidade cun asunto tan serio”.
En definitiva, “un Goberno que diga a verdade, obxectivos cribles e datos reais”, insistiu, tras volver pedir un reforzo da sanidade pública, en particular na atención primaria e no servizo de rastrexo.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
