Ribadeo, 10 de abril de 2021. O Club de Remo de Ribadeo adquiriu tres novas embarcacións grazas á colaboración da Área de Deportes da Deputación de Lugo. A deputada provincial Mónica Freire e o concelleiro de Deportes, Jorge Díaz, visitaron as instalacións da entidade na Casa das Algas e comprobaron a utilidade do novo material.
Trátase de tres skiffs, un destinado á alta competición e outros dous pensados para as categorías de base, que amplían os medios dispoñibles para os 30 remeiros e remeiras do club ribadense. As novas embarcacións permitirán que o Club de Remo planifique con maior autonomía os adestramentos e as participacións en competicións deportivas.
A deputada provincial Mónica Freire e o concelleiro de Deportes de Ribadeo, Jorge Díaz, puideron comprobar a utilidade deste novo material nunha visita ás instalacións da entidade na Casa das Algas, na Vilavella.
Mónica Freire subliñou que “con esta colaboración quixemos apoiar o traballo que ven desenvolvendo o club nos últimos anos, con excelentes resultados en campionatos galegos e estatais nas categorías de base e deportistas que se están revelando como valores de futuro do remo galego como Iker García ou Nerea Lago”.
E engadiu: “somos conscientes de que, ademais dos adestramentos e do esforzo persoal, para competir a ese nivel é necesario contar co material axeitado que, no caso desta modalidade, é un material caro, que esixe un desembolso dificilmente asumible para clubs pequenos. Agardamos que estas novas embarcacións lles axuden a continuar nesa liña de éxitos competitivos e, sobre todo, a manter a afección polo remo e o interese polo deporte entre a mocidade”. O importe total da axuda foi de 11.517,99 euros.
Jorge Díaz agradeceu “o apoio que lle brindou a Área de Deportes da Deputación ao Club de Remo de Ribadeo. Nós, desde o Concello, apoiamos o deporte base e traballamos para que as nenas e os nenos do noso concello teñan facilidades para a practica deportiva”.
Trátase dunha embarcación de dúas prazas, con materiais e deseño punteiro que, segundo explicou o presidente do club Jesús Carreira, mellora as condicións nas que adestran e compite a entidade xa que, recoñeceu, a igualdade de condicións físicas e técnicas dos e das deportistas, a calidade das embarcacións é moi determinante nas competicións de remo.
Será con Tarabela Creativa e a súa obra Vaites, Rapariga!!. A cita é na Casa da Cultura ás 19:00 horas.
O sábado 7 de decembro terá lugar unha ruta en Rinlo, no concello de Ribadeo. Un paseo litoral moi interesante que conecta as tres cetarias que serviron para almacenar o marisco deste pobo mariñeiro. O domingo día 8 será un paseo polo casco histórico do concello de Viveiro. Pero ademais visitarase 'Viveiro ante o berce', o belén a tamaño natural máis grande da nosa comunidade que conta con numerosos oficios e nunha ubicación privilexiada. Para máis información e reservas poden facelo a través do teléfono 654 99 68 57.
Un acendido de luces que estivo precedido dun fermoso concerto a cargo da cantante galega Iria Estévez, cunha versión especial de Nadal, que amenizou a espera de todas as persoas que na tarde de hoxe se achegaron ata a Praza da Constitución de Vilalba para presenciar o acendido da iluminación de Nadal.
Instrumentos do mundo da percusión contemporánea, elementos de nova creación, comicidade nas olladas e xogar co efecto sorpresa son as claves deste espectáculo. Catro son os elementos que definen este concerto didáctico e familiar que busca que o enxeño se retroalimente e evolucione, e que a senda da creación continúe a medrar. A cita é ás 18 horas. Prezo da entrada: 2€
O conselleiro do Mar asistiu este sábado ao partido do Burela Fútbol Sala e o Manzanares.
Continuando cos actos conmemorativos, o 27 de decembro terá lugar un concerto de panxoliñas na igrexa de Vila do Medio.
