A Mariña,sábado 17 abril. En pleno 2021, e despois de ser suprimida a Área Sanitaria da Mariña, a poboación mariñá sufre día a día a perda de servizos na sanidade pública. Agora é o caso da consulta de ciruxía vascular, da que se carece no Hospital da Mariña, o que provoca que @s doentes teñan que desprazarse cen quilómetros ou acudir á sanidade privada para a consulta e tratamento das enfermedades desa índole, sexan estas moi graves e complexas ou absolutamente sinxelas coma o caso das varices. Este tipo de doenzas son moi comúns e a cantidade de persoas demandantes destas intervencións é moi elevada.
O deputado mariñao Daniel Castro afirmou que “sabendo que non existe esta especialidade na carteira de servizos, desde o Bloque Nacionalista Galego consideramos que o Hospital da Mariña debe contar con esta dotación, polas razóns expostas anteriormente e polo feito de que é posible realizar actuación básicas do tipo das varices, das fístulas arterioveosas para diálese ou as ecografías doppler. A isto habería que sumar o feito de que a maioría destas intervencións non precisarían de ingreso, xa que se farían de xeito ambulatorio e que alén disto, xa se ten experiencia e boa na práctica destas intervencións no Hospital de Burela” e anunciou a presentación no Parlamento dunha proposición non de lei para instar á Xunta a dotar de consulta na especialidade de cirurxía vascular ao Hospital da Mariña.
A eliminación por parte do PP da Área Sanitaria da Mariña acelera o desmantelamento dos servizos
Desde o BNG mariñao inciden no proceso de desmantelamento dos servizos sanitarios na comarca, acentuados desde a eliminación da Área Sanitaria da Mariña, e acentuados tamén pola pandemia Covid19 que deixou ao descuberto as consecuencias de 11 anos de política de acoso e derribo da sanidade pública levada a cabo polo PP. Un ano despois do inicio da pandemia séguese a dificultar tamén o acceso aos centros de saúde con demoras de unha semana para conseguir unha cita, mesmo telefónica, e aumentan tamén os retrasos para acceder ás prestacións hospitalarias: consultas, probas diagnósticas ou intervencións cirúrxicas.
Apoio ás mobilizacións de SOS Sanidade Pública e da Plataforma en Defensa da Sanidade Pública da Mariña
Por todos estes motivos, desde o BNG amosan o seu apoio ás concentracións convocadas por diversas plataformas cidadáns para o mércores 21 de abril en todo o país e que na Mariña terá lugar en Burela ás 20:00, convocada pola plataforma mariñá na Praza do Concello baixo os lemas “Recuperar a Sanidade Pública da Mariña” / “Recuperación da Área Sanitaria roubada”, concentración que se realizará acolléndose escrupulosamente ás normas e protocolo Covid para este tipo de actos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
