Burela, a 21 de abril de 2021. O PP de Burela considera “vergoñento que se culpe á intervención municipal da falta de logopeda no Centro de Atención Temperá”. Así o sinalan os populares en relación ás últimas declaracións da concelleira de Servizos Sociais, Carmela López.
“A Sra. López leva pouco tempo no cargo; pero xa asumiu coma propios algúns dos malos vicios do seu mentor, o Sr. Llano”, indican os populares, “tratando de desviar así a súa pésima xestión neste asunto ao implicar ao departamento de intervención do Concello”.
Dende o PP burelés lembran que “a problemática da falta de logopeda xa se ben dando dende hai meses; mentres que a praza de intervención municipal hai escasamente unhas poucas semanas que quedou vacante, polo que o goberno municipal tivo tempo e tempo para solucionar esta situación”. Con todo, os populares remarcan que “a incapacidade para xestionar o día a día da vida municipal do noso Concello por parte do goberno do Sr. Llano é algo que non é novo e xa non nos pilla por sorpresa”.
Os populares xa advertiran o ano pasado, cando se aprobou o orzamento, de que esta situación se ía reproducir novamente se o Sr. Llano e o seu equipo non buscaban unha solución. “Nós propuxemos, tendo en conta que a axuda que remite a Xunta de Galicia para cubrir este servizo tan importante é moi similar dun ano para outro, crear unha partida orzamentaria específica que adiantara os cartos da subvención que remitiría con posterioridade a Administración Autonómica e que permitise garantir a continuidade do mesmo; unha proposta que xa levábamos no programa electoral”, segundo explican dende o PP. A este respecto, indican dende o Grupo Municipal Popular que “tanto o Sr. Llano como o seu equipo de goberno fixeron oídos xordos á nosa proposta e, tal e como o tempo demostrou, foron incapaces de resolver o problema que eles mesmos crearon”.
Un suma e segue na pésima xestión da Sra. López á fronte da súa concellería
Dende as filas do PP recordan que “tardou máis dun ano en actualizarlle o soldo ás traballadoras do Servizo de Axuda no Fogar (SAF) dende que asumiu a concellería de servizos sociais e incrementou a niveis nunca vistos o custe do novo contrato do SAF sen ter a axeitada consignación orzamentaria para elo. Tamén cedeu o primeiro bloque das antigas vivendas dos mestres do colexio dos Castros para emerxencia social, algo que dende o PP vemos con moi bos ollos”; pero critican que, “por desgraza, non están acondicionadas debidamente; xa que hai filtracións e humidades. E tampouco lles buscou unha nova localización ás catro asociacións que, ata ese momento, as estaban a usar”. Dende o Grupo Municipal Popular engaden a esta “pésima xestión da Sra. López á fronte da concellería de Servizos Sociais esta pasividade á hora de ofrecer unha solución á praza de logopeda buscando chivos expiatorios na intervención municipal”.
Os populares din que “non temos nada en contra das fotos e dos posados, tanto na prensa como nas redes sociais pero, se van acompañados duns resultados froito do traballo, moito mellor”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
