Lugo, 26 de abril de 2021. A Deputación de Lugo presentará alegacións en apoio ao mantemento do nome oficial de “Ría de Ribadeo” no procedemento aberto polo Goberno do Estado para admitir o nome de “Ría do Eo”.
Así se recolle na proposta que o goberno provincial levará ao pleno deste martes, segundo anunciou a deputada Mónica Freire. A tamén concelleira ribadense explicou que “a institución provincial presentará as alegacións acompañadas dun informe técnico que recollerá a documentación e argumentación histórica e linguística que avala o mantemento de Ría de Ribadeo como topónimo oficial do estuario”
“A Deputación de Lugo non pode quedar ausente na defensa da nosa toponomia e do nome historicamente empregado por habitantes de Galiza, Asturies e de calquera outra latitude para referirse ao estuario”, expuxo a deputada nacionalista.
Segundo se recolle na proposta do goberno provincial, “Ría de Ribadeo” foi o único termo empregado na oralidade polos habitantes das dúas beiras da ría até que hai poucas décadas se introduciu un “debate imposto e interesado” que en ningún momento existira na sociedade eo-naviega.
Asi mesmo, a moción, promovida polo BNG, alude á “abundante documentación” que acredita a oficialidade da nomenclatura “Ría de Ribadeo”, documentos históricos como cartas do almirantado inglés datadas no século XVI e informes de natureza técnica e científica recollidos en cartografía hidrográfica, topográfica, atlas e publicacións xeográficas a nivel mundial.
Alén diso, a proposta, promovida polo grupo do BNG, sinala que o recoñecemento de Ría del Eo como topónimo oficial iría en contra de toda a nomenclatura oficial existente no referentes ás rías galegas e asturianas nas que os nomes rexistrados coinciden co nome da localidade, non do río.
Mónica Freire demanda a implicación da Xunta de Galiza
A deputada Mónica Freire instou “a Xunta de Galiza a seguir os pasos da Deputación de Lugo e implicarse no proceso administrativo para que “Ría de Ribadeo” se manteña como único topónimo oficial do estuario”. Nese sentido, lembrou que “ a propia Xunta de Galiza se manifestou favorablemente a respecto do uso do topónonimo en 2008”.
A deputada e concelleira ribadense dixo agardar “a unanimidade do pleno provincial para reforzar a demanda fronte ante o goberno galego o Goberno do Estado, concretamente, ante o Instituto Xeográfico Nacional, a entidade que está a tramitar a solicitude do Principado de Asturias para que se oficialice o nome de Ría do Eo”.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
