Lugo, 16 de abril de 2021. A Xunta de Goberno da Deputación de Lugo aprobou este venres o convenio específico do Centro de Atención a Maiores de Meira. O Deputado de Promoción Económica e Social, Pablo Rivera Capón, informou de que unha vez asinado pola Deputación e o Concello rematarían os trámites administrativos. “Este paso permítenos avanzar ao obxectivo marcado e poder abrir este centro de cara ao verán, e que suporá un investimento de máis de 850.000 euros en tres anualidades. Nas vindeiras semanas daremos a coñecer o calendario para a solicitude de praza, e será nese momento cando as persoas interesadas poidan presentar a solicitude”, sinalou o Deputado.
Rivera Capón destacou que “este convenio establece a prioridade de acceso ás prazas para os veciños e veciñas de Meira; en segundo termo para os dos municipios limítrofes ou da comarca; e despois, para a veciñanza da provincia en xeral”. Así mesmo, recolle que o organismo provincial comprométese a efectuar o financiamento previsto, a actuar como órgano de contratación e a impulsar un equipo técnico especializado no ámbito dos servizos sociais. Pola súa banda, o Concello comprométese a colaborar coa institución provincial e a facer as achegas económicas previstas.
O Centro de Maiores de Meira contará con 30 prazas de residencia, ampliables a 38 nun futuro se fose preciso, e 20 de centro de día. “Semanas atrás licitamos o contrato para a dotación de equipamento que permitirá o aumento do ancho das camas dos 90 cm habituais, a 105 cm. Esta pequena ampliación mellorará o descanso e a comodidade dos residentes”, lembrou o Deputado provincial.
“Seguimos dando pasos importantes para cumprir cos compromisos desta Deputación cos concellos e coa veciñanza da provincia en materia de residencias. Con este contrato damos un paso importante de cara a cumprir coa nosa previsión de abrir o centro de cara ao verán”, afirmou o Deputado. Xunto a Meira, a Deputación de Lugo agarda pór en marcha, antes de mediados de ano, o centro de Pedrafita do Cebreiro. Así, coa apertura de Navia de Suarna a finais de ano, permitirá aumentar a rede provincial de residencias das 5 actuais -Trabada, Ribadeo, Pol, A Fonsagrada e Castroverde-, ata 8.
Concurso fotográfico
Así mesmo, a sesión aprobou a convocatoria e base reguladora do VII Concurso de Fotografía das Reservas da Biosfera Terras do Miño e os Ancares Lucenses. “Esta edición dende a Deputación de Lugo como xestora destes territorios buscamos promover actividades de lecer ao aire libre. Así, o fío condutor este ano será Sendeiros da Reserva da Biosfera Terras do Miño e Ancares Lucenses”, sinalou Pablo Rivera.
Nos vindeiros días publicaranse as bases no Boletín Oficial da Provincia (BOP), que premiará ás tres mellores fotografías con premios en metálico de 800€, 500€ e 300€.
Adquisición de mascarillas de protección
Adxudicouse a compra de 170.000 máscaras FFP2 de protección fronte á Covid-19 ao persoal da Deputación de Lugo, por un importe que ronda os 20.000€. “Esta adquisición forma parte das medidas que tomamos dende o inicio da crise sanitaria na Deputación para extremar a prevención do coronavirus e protexer aos traballadores e traballadoras nos seus postos de traballo”, explicou o Deputado.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
