A conselleira do Mar, Rosa Quintana, recibirá a primeira dose da vacina contra a covid-19.
Santiago de Compostela, 23 de abril de 2021. A conselleira do Mar, Rosa Quintana, asegurou hoxe que Galicia está disposta a ceder vacinas ao Goberno central co obxectivo de que axilice a vacinación dos mariñeiros da frota galega. A titular de Mar explicou que, unha vez que o Goberno estatal determinou que o proceso de inmunización das tripulacións vai ser realizado polo Instituto Social da Mariña (ISM) -a autoridade competente en materia de sanidade marítima en España-, o Ministerio de Sanidade debe dar de xeito inmediato a orde para que comece esa vacinación.
A representante da Xunta fixo estas declaracións tras recibir na súa quenda a vacina de AstraZeneca contra a covid-19, a que lle corresponde polo seu grupo de idade, e apelou a que o organismo dependente do Ministerio de Seguridade Social, Inclusión e Migracións inicie canto antes este proceso de inmunización da frota. O ISM conta coa loxística necesaria para facelo, pois dispón tanto do censo de todos os profesionais do mar como de distintos puntos de vacinación ao longo da costa así como en terceiros países.
A titular de Mar tamén lamentou as declaracións da ministra de Sanidade, Carolina Darias, nas que afirmaba que os mariñeiros se vacinarán “cando lles toque e coa vacina que lles toque” e instouna a reconsiderar esas palabras pois supoñen “un menosprezo” para os profesionais do mar e demostran “falla de sensibilidade co sector”.
Neste sentido, Rosa Quintana reiterou ao Executivo central a necesidade de que a frota conte cun protocolo específico de vacinación dado que os tripulantes teñen dificultades engadidas ás doutros colectivos como a imposibilidade de manter as distancias de seguridade a bordo ou a realización de mareas de varias semanas sen poder recibir atención sanitaria inmediata. Unhas estancias longas en alta mar que tamén limitan a súa dispoñibilidade para acudir á subministración da vacina.
“Pedimos ao Ministerio de Sanidade que teña en consideración un grupo tan importante para a nosa sociedade como son os profesionais do mar. Foron declarados sector esencial durante a pandemia e, malia non ter máscaras de protección nin poder manter as distancias de seguridade, saíron todos os días a faenar para que non nos faltase alimento nas nosas mesas. O mínimo que pode facer o Ministerio é ter sensibilidade e ordenar xa a súa vacinación”, aseverou a conselleira do Mar.
En relación co feito de que outras comunidades vacinasen pola súa conta aos seus mariñeiros, a titular de Mar lembrou que os protocolos de vacinación se acordan no Consello Interterritorial do Sistema Nacional de Saúde -no que participan o Goberno central e as comunidades autónomas- e que se nel se estableceu que a vacinación dos mariñeiros a debe facer o ISM, así debe ser. “Debemos respectar os protocolos acordados no Consello Interterritorial, que é quen decide os grupos de vacinación e non vou falar das comunidades que deciden saltalos”, indicou, en referencia á lealdade institucional e á unidade de acción que deben reinar para loitar contra a pandemia así como ao feito de que o ISM é o organismo que ostenta as competencias na materia.
Recoñecemento ao persoal sanitario
A titular de Mar aproveitou a ocasión para recoñecer e poñer en valor o importante labor do persoal sanitario como Natalia, a enfermeira que a vacinou, “polo ben que están facendo as cousas” e manifestou a súa satisfacción por ter xa a dose da vacina AstraZeneca que lle corresponde de acordo co seu grupo de idade.
Ademais, animou a toda a sociedade a que, a medida que a vaian convocando, acuda a vacinarse pois desta pandemia, subliñou, “só podemos saír se todos acatamos as normas dos sanitarios, mantemos as distancias, lavamos as mans e acudimos a vacinarnos”. A conselleira tamén destacou a importancia de acudir aos cribados para poder detectar coa maior rapidez posibles gromos e frear así a expansión da pandemia.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
