Lugo, 28 de abril de 2021. Este mércores presentouse na Praza de San Marcos o vehículo co que o equipo do piloto Luis Vilariño competirá no campionato europeo de rally, o FIA European Rally Championschip (ERC), a competición de automobilismo máis importante despois do mundial.
Será a primeira vez que un equipo galego afronte integramente o campionato, un proxecto deportivo que conta co apoio da área de Deportes da Vicepresidencia da Deputación de Lugo.
“Desde a Vicepresidencia da Deputación mantemos diferentes liñas de axuda ao automobilismo, co apoio a probas emblemáticas como o Rally San Froilán ou a creación do Rally da Mariña, a as bolsas para pilotos ou o Volante Deputación, que permite aos pilotos noveis iniciarse neste deporte. Co apoio a este proxecto damos un paso máis e apoiamos a participación galega na competición máis importante despois do mundial”, explicou Efrén Castro.
O deputado de Deportes destacou “a visibilidade que a competición dará ao automobilismo e ao deporte galego e lucense, grazas a súa retransmisión por Eurosports e ao impacto que o campionato ten nas redes sociais”.
O piloto de Palas, que xa puxo a proba o Skoda Fabia R5 Evo 2 en carreiras do Supercampionato de España, participará nas oito probas do campionato europeo, en sete países: Portugal, Polonia, Letonia, Italia, República Checa, Hungría e España. A primeira cita será o vindeiro 18 de xuño en Polonia, tras a suspensión do Rally das Azores previsto para este mes de maio e adiado ao outono.
Luis Vilariño sinalou o “reto deportivo e loxístico” que supón acudir a estes eventos e agradeceu a colaboración da área de Deportes para afrontalo. “É un proxecto a dous anos. Neste primeiro, o obxectivo fundamental e coñecer todos os rallyes e, de cara ao ano que ven, intentaremos estar preto dos postos de cabeza nalgunha proba”, apuntou o piloto, que corre acompañado por Álex Noriega, con Óscar Vázquez como director de equipo e Óscar López como xefe de mecánicos.
Na presentación, na que tamén participaron o presidente da DOP Arzúa Ulloa, Xose Luis Carrera, e o secretario xeral da CEL, Jaime López, como copatrocinadores do equipo,
Calendario do FIA European Rally Championship (ERC) 2021
• 6-8 de maio: 55º Rali de Azores (Portugal) – Adiado ata outono
• 18-20 de xuño: 77º Rali de Polonia
• 1-3 de xullo: Rali de Liepãja (Letonia)
• 23-25 de xullo: Rali de Roma capital (Italia)
• 27-29 de agosto: 50º Rali de Barum-Zlín (República Checa)
• 24-26 de setembro: Rali Serras de Fafe e Felgueiras (Portugal)
• 22-24 de outubro: Rali de Hungría
• 18-20 de novembro: Rali Islas Canarias (España)
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
