Foto de arquivo
Santiago de Compostela, 29 de abril de 2021. A Xunta someterá en verán a información pública o proxecto de mellora da estrada entre Viveiro e Cabreiros, LU-540, que suporá un investimento de máis de 12 millóns de euros.
Así o avanzou hoxe no Parlamento o director da Axencia Galega de Infraestruturas, Francisco Menéndez, que precisou que a redacción do proxecto de trazado xa está moi avanzada e se prevé comezar tamén en verán o proceso expropiatorio.
Explicou que o obxectivo destas obras é o acondicionamento do tramo entre os puntos quilométricos 5 e 39+500 para reforzar a seguridade viaria e a funcionalidade da vía.
Indicou que se trata dunha intervención para facilitar a mobilidade dos veciños de Viveiro e de concellos veciños como Xove ou O Vicedo, en condicións máis seguras e cómodas, xa que este treito é a principal vía empregada para desprazarse cara a Lugo.
Destacou que esta actuación contemplará o redeseño de interseccións, o encaixe de carrís lentos, as correccións de trazado, a ordenación de xiros á esquerda ou a revisión da sinalización horizontal e vertical, entre outras medidas a adoptar.
Manifestou que o proxecto tamén incluirá a rectificación de curvas e a implantación de novos tramos de carrís de adiantamento.
Ademais, no marco destes traballos, tamén se efectuará o acondicionamento da capa de rodadura coa renovación do firme.
O director da Axencia Galega de Infraestruturas sinalou que a Xunta incluíu a mellora desta estrada na solicitude feita ao Ministerio de Transportes para ser financiada con cargo aos fondos europeos de recuperación e resiliencia, se ben ata o de agora non se ten recibido resposta oficial ao respecto por parte do Goberno de España.
Francisco Menéndez lembrou que a Xunta vén traballando nos últimos anos na mellora desta estrada, pois en 2017 xa se actuou no firme para optimizar as súas condicións, tendo en conta a elevada intensidade de tráfico pesado que rexistra e a climatoloxía adversa.
Detallou que se actuou na LU-540 ao seu paso polos Concellos de Ourol, Muras, Xermade e Viveiro, completando as obras co repintado da sinalización horizontal.
Recordou que se instalaron guías sonoras laterais ao longo de 17 quilómetros, incluída a zona do alto da Gañidoira, como medida de seguridade para alertar aos condutores en caso de saída do carril, mellorando tamén a visibilidade.
Ademais, remarcou que en 2019 a Xunta executou unha actuación de mellora da sinalización e balizamento na intersección entre as estradas LU-540 e LU-161, á altura de Landrove para reforzar a seguridade.
Precisou que o obxectivo foi incrementar a percepción dos condutores do deseño do cruzamento e das manobras ou movementos que deben facer cos vehículos para dirixirse aos distintos destinos dende este punto.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
