Ribadeo, 17 de marzo de 2021. Xuventude polo Clima concentrarase por todo o planeta o 19 de marzo, baixo o lema #NonMáisPromesasBaleiras, para denunciar a inacción dos Estados comprometidos no marco do Acordo de París, en coordinación coa Folga Mundial polo Clima na que participarán personalidades do movemento, como Greta Thunberg.
Ó rubricar o acordo de París, os Gobernos asinantes obríganse a evitar un cambio climático perigoso mantendo o quecemento global moi por baixo dos 2°C e esforzándose para limitalo a 1,5° C. Tamén deben mellorar a capacidade dos países para adaptarse ós efectos do cambio climático. Pola contra, datos das Nacións Unidas indican que a falta de ambición e de compromiso real lévannos cara un aumento da temperatura global moi por riba dos 3 ºC.
A concentración en Ribadeo terá lugar no Campo da Egrexa da Vila, na praza de España, ó redor do quiosco da música, ás 12h. Durante a xuntanza lerase o manifesto de Xuventude polo Clima sinalando a urxencia da situación actual: o 2020 foi o ano máis cálido xamais rexistrado. A maiores nesta ocasión afrontamos unha gravísima crise sanitaria, en parte causada pola destrución de ecosistemas naturais e a perda de biodiversidade xunto cun proceso de globalización que non coñece límites.
É necesario transitar cara a un modelo que sitúe ás persoas no centro a través de medidas concretas e máis ambiciosas. Estas decisións deben ter carácter urxente: non queda máis tempo para protexer o futuro das próximas xeracións. Por iso, a mocidade demanda este venres #NonMáisPromesasBaleiras.
Xuventude polo Clima chama a facer concentracións responsables, con todas as medidas anti-Covid, mantendo distancias, con mascariña, e traendo cada quen unha pancarta individual de cartón cunha mensaxe. Ó rematar o acto deixaremos as pancartas penduradas do quiosco da música até a noite para que poida lelas toda a veciñanza.
Sobre Xuventude polo Clima
Fridays for Future é un movemento ecoloxista e apartidista da mocidade internacional que reclama acción contra o cambio climático e o quecemento global. Naceu da man de Greta Thunberg, activista sueca que comezou a manifestarse cada venres fronte o Riksdag (parlamento sueco) en agosto de 2018, en horario escolar. Esixía á clase política e á sociedade un cambio de paradigma para frear o cambio climático.
Hoxe, a súa voz é mundial e chega tamén a Ribadeo, onde buscamos a mobilización pacífica para pedir medidas reais ante a situación insustentable, a través da concienciación e a acción. Porque sen planeta, non hai futuro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
