Lugo, 22 de marzo de 2021. O Presidente da Deputación de Lugo, José Tomé Roca, xunto coa Deputada de Réxime Interior, Promoción do Territorio e Turismo, Pilar García Porto, supervisou acompañado do Alcalde de Ribeira de Piquín e tamén Deputado de Recursos Sostibles, Roberto Fernández Rico, un conxunto de actuacións e dotacións públicas financiadas pola institución provincial na localidade con máis 500.000€, tanto a través de varias anualidades do Plan Único, como de convenios de colaboración.
José Tomé subliñou que estes investimentos da Deputación de Lugo en Ribeira de Piquín responden ao “compromiso de cooperación da institución cos concellos para que poidan ofrecer máis e mellores servizos e infraestruturas públicas aos seus veciños e veciñas, independentemente do lugar no que vivan, o que contribúe a fixar poboación”.
Centro de Día
José Tomé comprobou o equipamento do Centro de Día, que, a través do Plan Único 2020, dotouse de electrodomésticos, como lavadora, secadora, conxelador, cadeira de rodas, aspiradora e outros aparellos para o correcto funcionamento deste servizos público por un importe de case 8.000€. Unha contía á que cómpre sumar o esforzo que nos últimos anos fixo a institución provincial para lograr que esta dotación social ribeirega sexa hoxe unha realidade, con máis de 300.000€ destinados. A Deputación de Lugo mantén en vigor un convenio de colaboración para contribuír ao correcto funcionamento deste centro repartido en 4 anualidades (2020-2022), destinando cada ano a institución provincial a contía de 30.000€.
Agora mesmo o Centro de Día de Ribeira de Piquín atópase pechado por mor das restricións sanitarias da Covid-19, pero ata marzo do ano pasado estaba en pleno funcionamento e dende a súa apertura recibiu unha moi boa acollida entre a veciñanza, chegando ata os 20 usuarios e usuarias.
Maquinaria municipal
Así mesmo, o Presidente acudiu á nave municipal onde o Concello dispón da maquinaria e da ferramenta de titularidade propia. Mediante o Plan Único e tamén dun convenio de colaboración, a Deputación sufragou a adquisición de distintos equipamentos cun investimento superior aos 200.000€, distribuídos en varias anualidades.
Entre eles, atópanse dous tractores. Un deles mercouse grazas a un convenio de colaboración entre a institución provincial e o Concello a través do que a Deputación de Lugo destinou 130.000€. A maiores, tamén se dispón de remolques, cisterna e diversa ferramenta que utiliza o persoal municipal para a limpeza de vías e accesos, para o mantemento de zonas verdes e espazos públicos e tamén para dar apoio naquelas actuacións que se consideren necesarias. Unha maquinaria, valora o Presidente, que permite que un gran número de actuacións se poidan desenvolver con medios propios, dando resposta ás necesidades que se dan nos diferentes puntos deste municipio da Montaña.
Luminarias LED
O Concello de Ribeira de Piquín vén desenvolvendo nos últimos anos un proceso de renovación de luminarias LED das parroquias que conforman o municipio ao abeiro do Plan Único nas últimas catro anualidades, destinando a Deputación preto de 50.000€ para mudar as lámpadas existentes por outras de baixo consumo neste municipio. O Presidente xunto ao Alcalde e á Deputada de Réxime Interior coñeceu o funcionamento dos cadros eléctricos novos con protección para sobretensións.
En total renováronse 400 puntos de luz nestes 4 anos, o 80% dos que dispón Ribeira de Piquín, e instaláronse 50 cadros eléctricos. A previsión do municipio, que tamén contemplará no Plan Único 2021 partidas para este fin, é que neste ano queden renovados o 100% das luminarias por outras de baixo consumo. Esta decisión contribuirá a reducir nun 50% a factura da luz, ao mesmo tempo que se logra dotar de puntos lumínicos a zonas do concello que ata o momento carecían dun alumeado de calidade.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
