Burela, a 06 de marzo de 2021. O PP de Burela ve carencias no decretazo para os locais de hostalaría sacado polo alcalde. “É positivo e lóxico que dende o Concello se teña algún tipo de control da situación das mesas no interior e no exterior dos locais de hostalaría da nosa vila, especialmente coa pandemia que se está a vivir. O que xa non é tan positivo nin tan lóxico é que se meta aos profesionais da hostalaría da nosa vila nun fregado burocrático cando o propio concello ten técnicos na materia que, perfectamente, podería colaborar cos hostaleiros para facer eses planos de situación que se lles require por medio deste decreto, aparentemente, non consensuado cos profesionais do sector”, indican os populares.
E seguen, “no que se refire ao tema das terrazas, con este decreto, o alcalde Llano, dalgún xeito ben a recoñecer dunha maneira totalmente implícita, que non existe dende a propia administración local un control rigoroso nin exhaustivo das mesmas. É máis, o que se desprende da propia lectura do decreto é que algunhas desas terrazas poderían estar irregulares, sendo o Concello coñecedor deste feito e consentindo o mesmo, o que podería estar provocando entre os hostaleiros de Burela un claro agravio comparativo, xa que uns terían recoñecida oficialmente esa terraza, e estarían aboando a correspondente taxa, e outros non”.
“Se isto se chega a comprobar a situación derivada é gravísima porque o socialista e o seu equipo de goberno estarían a prestarlle un clarísimo trato de favor a algún ou algúns hostaleiros da nosa vila, prexudicando deste xeito ao resto”, manifestan con contundencia os populares.
Dende o PP consideran que, “se con este paso o que se pretende é regularizar a situación das terrazas, de forma totalmente razoable, o paso previo debería de ser crear unha ordenanza municipal para elo, regulando así a colocación destas, coa correspondente colaboración dos propios hostaleiros na súa redacción, non estando de máis que buscara o consenso coa oposición”.
Os populares aclaran que esta posible ordenanza é algo que xa anunciara no seu día o alcalde, alá polo ano 2016 “pero, como todo o que anuncia o Sr. Llano, quedou en nada”. Finalmente, consideran “imperiosamente necesario que dende a alcaldía se saque por fin unha liña clara de axudas directas ao sector da hostalaría, pois é francamente raro que a estas alturas do ano, a primeiros de marzo do ano 2021, tanto os profesionais deste sector coma o de outros da nosa vila, aínda non cobraran nin un só céntimo de todo o que se comprometera a dar o goberno local do Sr. Llano alá polo verán do ano 2020”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
