Viveiro, 24 de marzo, 2021. O día 10 de marzo poñíase en marcha a campaña do Dia do Pai que levaba por nome “Unha Experiencia con Papá”. Repartíronse nos negocios asociados mais de 100 urnas de cartón onde os clientes podían depositar os seus tíckets de compra para participar no sorteo.
A iniciativa tivo moi boa acollida, xa que foron numerosas as persoas que depositaron os seus tíckets de compra, acadando moitísima participación. O que nos dá mostra tamén da reactivación das compras no comercio local dende o momento no que se levantaron as máximas restricións e se permitiu a mobilidade entre Concellos e puidemos recibir clientes doutras localidades, tanto da Mariña como do Ortegal.
Dende que se puxo en marcha a campaña chamou moito a atención, xa que os premios consistían en 5 caixas sorpresa “Experience Comercio Local” e outras 5 caixas sorpresa “Experience Gastronomía local”, por un valor total de 1.500€. O factor sorpresa dos premios levantaron moita expectación.
A intriga mantense ata o último momento xa que o contido detallado de cada caixa será unha sorpresa ata o momento no que se faga entrega ós gañadores, que será este venres 26 de marzo ás 16:00 horas.
Os agraciados das 5 Caixas Experience Comercio Local son:
Carmen Franco cun tícket de Paquetería Nuria
Toñita Rouco Mendez cun ticket de Supermercado Covirán La Ria
Heidy Nuñez cun ticket de Albo Zapaterías
Sabela Taboadela Pernas cun ticket de Peluquería Richard xFavor
Noa Vidal Gallardo cun ticket de Cocolatte
E os agraciados das 5 Caixas Experience Gastronomía Local son:
Pedro Piñeiro cun ticket de Africa Copias
Carmen Teijeiro Nebril cun ticket de Cocolatte
Ana López Peña cun ticket de Librería Porta da Vila
Dolores Barro cun ticket de Pastelería Fontenova
Teresa Ribeiro Travieso cun ticket de Van Surf
Dende o CCHV agradecemos a alta participación por parte dos clientes, que fixo que podamos facer unha valoración de éxito rotundo nunha campaña destas características.
Neste mes de marzo puxéronse en marcha varias iniciativas dende o CCHV. Iniciamos o mes ca campaña de Fora Stocks, cun resultado de ventas extraordinario, continuamos co sorteo de 1.500€ en premios na campaña do Dia do Pai, cun éxito de participación moi elevado, e finalizamos cunha campaña posta en marcha fai unhos días na que os envíos realizados nos meses de marzo, abril e maio, tanto á Mariña como a Ortegal serán gratuítos.
Pretendemos con esta iniciativa facilitar as compras de tódolos clientes, que por un motivo ou outro non se poden achegar a Viveiro a mercar, ou simplemente por comodidade.
Por un lado está enfocado á venta a través das redes sociais ou as webs, se un cliente ve algo que quere mercar nalgunha das redes dos negocios asociados o envío sairalle gratuíto.
Por outro lado, está enfocado a dar un servicio postventa a aqueles clientes que veñen a mercar a Viveiro e non poden levar nese momento o que queren, ben porque non hai talla, número, o artigo está esgotado e hai que pedilo ou se trata dun arranxo. Nestes casos enviaráselles gratuitamente no momento en que o produto estea dispoñible.
Estamos seguros de que esta iniciativa terá moi boa acollida, facilitará o proceso de decisión de compra dos clientes das localidades veciñas e axudará a afianzar un servizo máis que presta o comercio local.
O comercio asociado ó CCHV abrirá o Xoves Santo pola mañá, será en horario de festivos de 11 a 14 horas.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
