Antes de expoñer o noso relato, queremos deixar claro, o respeto absoluto á decisión das compañeiras e amigas que deciden, que a millor opción é ficar na casa. Nós non dubidamos que a súa decisión é madura e a toman pensando na colectividade. A nosa tamén o é, non permitiremos que ese aspecto se cuestione: o FEMINISMO tomará as rúas por RESPONSABILIDADE SOCIAL.
A nosa decisión de ocupar as rúas é crítica, ponderada, pensada na colectividade e baseada na pluriopresion multiplicada que sigificou e significa a xestión neoliberal, depredadora e biocida da pandemia sobre as mulleres.
Cuestiónase desde moitos despachos e micrófonos se é oportuno que saiamos ás rúas, incluso xurde o adxectivo PERIGOSO:
O verdadeiro perigo é aceptar e calar ante esta xestión da crise deshumanizada, só hai que usar a empatía para ver que hai moitas persoas, principalmente mulleres sufrindo, moi soas.
O que corre perigo é a nosa capacidade para DEFENDERNOS dun sistema depredador ao que as persoas NON LLE IMPORTAMOS.
Corre perigo a nosa madurez social, a nosa capacidade de identificarnos afectivamente cos sentimentos dxs outrxs e tamén corremos risco de que as nosas vilas e as nosa cidades se contaxien ca ultradereita fascista.
Para as mulleres, a maiores, periga a nosa integridade como cidadás, como suxeitas posuidoras de dereitos.
Ese xuízo provoca que se alimenten as bestas: xorde o discurso máis misóxino e reaccionario: que non somos mulleres íntegras, que somos unhas tiparracas irresponsables, lexitímase o discurso de odio hacia as feministas e, incluso, se lle dá pé a xustificar a violencia: que nos lancen lixivia, pelotas, que merecemos perder un ollo…
Por outra banda, un discurso moderado, paternalista dunha equidistancia ponzoñosa: protestade, pero en baixo, que se vos escoite, pero pouco… estes PEROS engrandecen a mensaxe machista de que a voz no espazo público non nos pertence, de que os nosos dereitos poden esperar.
Este sermón violento cargado de aparente protección e responsabilidade sanitaria, desde a perspectiva masculina e androcéntirca: cousifícanos, desposúenos dos nosos corpos e prívanos do dereito a reivindicarnos…deixa entrever que as nosas loitas son esas celebración das mulleres que se poden pospoñer.
O Patriarcado non conseguirá que a vergoña , a irresponsabilidade e a culpa manchen as nosas convocatorias.
Iremos, con máis forza q nunca, responsables, coidańdonos e opoñéndonos firmemente a que a nosa honra se mida pola forza ca que pechamos as pernas, e tamén pola altura do valado no que acurralamos as voces.
As nosas reivindicación non son secundarias, esiximos respeto.
Non nos intimidáis, camiñamos XUNTAS cara un OUTRO MUNDO, máis xusto, máis igualitario e tamén noso.
Non nos conformamos con este mundo que nos empuxa ás marxes.
Queremos vilas que miren hacia o futuro, onde a xustiza social non sexa un privilexio e onde se firmen compromisos sólidos de benestar con todas as persoas.
O 8M atravesaremos as gorxas de POSIBILIDADES DE FUTURO
O 8M faremos máis VIDAS POSIBLES
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
