Viveiro, 4 de marzo, 2021. Alcadesa de Viveiro propuxo a todos os grupos da corporación unha declaración institucional o día antes de convocar o pleno do 2 de marzo, sen apenas tempo de consensuar un texto e 3 días despois de que o BNG rexistrara a moción relativa ao 8M.
De existir por parte da alcaldía unha vontade real de consensuar unha declaración, a sra. alcaldesa tivo 11 meses para convocarnos a unha xunta de portavoces para que todos os grupos da corporación puidésemos participar na redacción dun texto consensuado que reflexaría sen dúbida unha visión máis achegada á realidade das problemáticas que viven e sufren no día a día as mulleres.
Calquera que lea este documento con detemento percatarase de que non di nada, tanto é así que este texto chega ao pleno como “moción” mais non conta cunha parte declarativa, non hai proposta de acordos, polo que non hai nada que votar. Nun tema tan serio o BNG non colaborará en branquear os dereitos das mulleres traballadoras, con discursos “boistas” baleiros de contido, nin unha soa proposta concreta, nin un só compromiso concreto recolle este texto, por exemplo:
–“tomar as medidas necesarias para non deixar de avanzar”, cales tomou o PSOE de Viveiro no último ano?
-“este concello comprométese a traballar cada día por implatar un modelo de sociedade no que a igualdade real sexa unha normalidade”, como? que políticas municipais está a implantar o goberno municipal no día a día para conseguir a Igualdade real?
Un texto que é unha mera declaración de intencións, escoitando reitaradamente que o día da muller debe ser os 365 días ao ano, por iso dende o BNG preguntamos qué medidas impulsou neste 2020/2021 o Goberno de María Loureiro para promocionar e conquerir a igualdade, qué accións concretas, a parte dunha programación con 4 actividades para o propio 8M, e de conservar o CIM no concello.
Desde o BNG aproveitamos a ocasión para preguntar certas cuestións en materia de igualdade:
Cántas campañas de sensibilización se fixeron?
Por que a veciñanza non coñece ningún estudo nin datos sobre a situación da muller no concello de Viveiro?
Cales son os indicadores demográficos, sociais e laborais que ten en conta o seu equipo de goberno para executar accións para a igualdade? Por que non se publicita o traballo que tan ben fai o persoal do CIM nas redes nin na páxina web?
Por que non se coñece o contido nin o estado actual do Plan de Igualdade de políticas de xénero para as veciñas e veciños do concello de Viveiro? existe? cantos se fixeron? Hai concellos no país que van polo cuarto como o concello de Pontevedra.
Cales son as cláusulas de igualdade que impulsou o concello de Viveiro para a contratación de empresas privadas, de xeito que cando se contrate a unha empresa, os cartos da admón vaian destinados a xerar igualdade?
Puideron por exemplo ter feito o plan de igualdade para o persoal laboral do concello, tal e como recollen as modificacións feitas na Lei orgánica 3/2007, do 22 de marzo, que no artigo 51 obriga ás administracións públicas, no ámbito das súas respectivas competencias e en aplicación do principio de igualdade entre mulleres e homes, a elaborar dito plan.
Mais nada teñen feito, polo que desde o BNG instamos ao goberno do PSOE a iniciar o proceso de elaboración do Plan de Igualdade para o persoal laboral, canto antes, porque xa vai 6 anos tarde.
E tendo en conta que estamos a marzo e sen orzamento para o 2021, cal vai a ser a partida orzamentaria, as medidas ou axudas quen ten pensado destinar o Goberno Local no 2021 para axudar a aquelas familias que non poden asistir ao traballo por obrigas nos coidados? Por exemplo as familias monoparentais, que están totalmente desprotexidas
Con esta batería de preguntas, dende o BNG acabamos de facilitarlle unha folla de ruta en materia de igualdade a desenvolver no Concello de Viveiro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
