Ribadeo, 18 de marzo, 2021. O Centro de Investigacións Mariñas (Cima), dependente da Consellería do Mar, desenvolveu durante 2020 un total de 18 accións de investigación nas que abordou distintos asuntos de interese sobre a explotación dos recursos mariños e acuícolas en Galicia co obxectivo de mellorar a súa xestión e impulsar a súa produción na Comunidade. Entre eses proxectos, relacionados de xeito directo co sector marisqueiro e da acuicultura, están os vencellados coa busca dunha estirpe de berberecho resistente á marteiliose, o estudo de novas especies de peixes, moluscos ou algas de cultivo ou co seguimento e detección das toxinas emerxentes.
Este labor desenvolvido o ano pasado, así como o que se prevé realizar durante 2021, aparece recollido nun informe analizado hoxe polo Consello da Xunta no que se dá conta de que durante o pasado exercicio remataron 12 desas 18 accións de investigación. Entre elas, destacan catro que, de acordo cos resultados obtidos tanto polos logros de interese científico acadados como pola repercusión que tiveron tanto a nivel nacional como internacional, contribuíron a proxectar a imaxe do centro de investigación galego no exterior.
Unha das accións máis importantes desenvolvidas polo centro é o proxecto Croquedous, centrado na obtención dunha estirpe de berberecho resistente ao parasito Marteilia cochilia co obxectivo de mellorar a súa produción nos bancos marisqueiros de Galicia. O traballo dos investigadores galegos permitiu obter unha segunda xeración de berberecho común potencialmente resistente á marteiliose, acción á que se lle vai dar continuidade coa busca dunha terceira xeración para comprobar se a resistencia á marteiliose se transmite de xeración en xeración.
No marco do proxecto Croquedous tamén se obtivo a primeira xeración híbrida de berberechos comúns (Cerastoderma edule) e berberechos birollos (Cerastoderma glaucum), a única experiencia documentada no mundo de cruzamento destas dúas especies en condicións de criadeiro.
Outro dos traballos desenvolvidos polos investigadores do Cima, en colaboración co centro do Instituto Español de Oceanografía (IEO) de Vigo, permitiu obter a primeira xeración de individuos de mero de rocha ou cherna (Polyprion americanus) nados e criados en catividade. Trátase dunha experiencia de éxito única en Europa nesta especie acadada no marco da acción de investigación Cherna.
O labor do centro dependente da Consellería do Mar tamén fixo posible manter individuos adultos de cadelucha e obter semente en condicións de laboratorio, o que permitiu desenvolver un protocolo de reprodución, cultivo larvario e preengorde e replicalo de cara a futuras accións de investigación. Os avances foron posibles grazas ao traballo dos profesionais integrados na acción de investigación Coquina.
O proxecto Ginoumar tamén supuxo importantes avances no cultivo e preengorde de ourizo de mar antes do seu traslado ao mar. Os investigadores conseguiron criar larvas deste recurso e levalas ata tamaños superiores a cinco milímetros para a súa posterior solta no medio natural, o que contribuiría a repoboar o litoral de Galicia desta especie.
Convenios de colaboración
Algunhas das investigacións desenvolvidas en 2020 realizáronse no marco de acordos de colaboración con outras entidades académicas como as tres universidades galegas ou con organizacións empresariais como a patronal do sector transformador dos produtos do mar Anfaco-Cecopesca. Desas 18 accións de investigación desenvolvidas en 2020, seis seguen co seu traballo en 2021 e a elas sumaranse as resultantes da convocatoria de accións de investigación realizada pola Dirección Xeral de Desenvolvemento Pesqueiro, da que depende o Cima, para este ano e que conta cun orzamento de preto de 830.000 euros. A este investimento engádense máis de 150.000 euros para a contratación de persoal investigador mediante distintas bolsas de formación.
O labor investigador do Centro de Investigacións Mariñas pretende favorecer unha xestión racional e eficiente dos recursos mariños de Galicia e asesorar á Administración galega neste eido, así como contribuír a impulsar tanto a produción marisqueira como acuícola mediante o estudo do posible cultivo de novas especies e a loita contra as súas patoloxías.
Na actualidade o Cima desenvolve un importante labor na busca dunha estirpe resistente á marteiliose, así como no estudo das algas, para promover protocolos axeitados ás diferentes especies existentes en Galicia e mellorar o rendemento económico obtido pola súa explotación. Tamén traballa no seguimento e na detección de especies de microalgas ou outros organismos que poidan aparecer polo cambio climático e portadoras de toxinas emerxentes para elaborar protocolos en relación coa súa presenza e abundancia. O obxectivo é compartir esa información co Instituto Tecnolóxico para o Control do Medio Mariño de Galicia (Intecmar) -tamén dependente da Consellería do Mar-, anticiparse aos posibles requirimentos normativos e dotar de seguridade ao sector mexilloeiro.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
