Ribadeo, a 30 de marzo de 2021. “A ideoloxía cérralles os ollos e non lles deixa ver o traballo e a necesidade que temos todos de traballar e impulsar a nosa vila, nestes momentos tan complexos”, afirma o voceiro popular, Dani Vega, en relación á actitude do BNG que votou en contra das tres propostas levadas a cabo polo seu Grupo Municipal, e que estaban destinadas a potenciar a vila dende o punto de vista económico, cultural e turístico.
Non a axudas para sectores estratéxicos
Foi o caso da moción sobre o Plan Reactiva Ribadeo, a través do que se pedía que se concretasen medidas económicas de reforzo a todos os sectores estratéxicos. Daniel Vega explica que non entende como se rexeitou esta medida cando noutras vilas aprobaron unha cantidade para apoiar ás empresas que están afectadas pola pandemia e, tamén, eliminar temporalmente de todos os impostos municipais, xa que “sorprendentemente anunciaron que non ían cobrar os do lixo e da auga, pero están chegando os recibos e fano cunha burocracia que é absurda”. “Dixéronnos que non, polo tanto, esta moción non saíu adiante. Non podemos entender como o BNG pide isto en Galicia e pide isto noutros concellos pero en Ribadeo non o practica”, insiste Dani Vega.
Non ao Xacobeo
Os populares lamentan que os dirixentes locais non queiran aproveitar o tirón do Xacobeo para impulsar o desenvolvemento do municipio. “Dixeron non á estratexia do Xacobeo 21-22 e a pedirlle á Xunta que arranxe o albergue, que invista no trazado do Camiño Norte e que que apoie a creación dunha marca comercial de Ribadeo como porta do Camiño Norte. Dende logo isto sería unha medida de impulso. É verdade que o BNG nos votou que non pero nós imos traballalo directamente co Goberno galego e imos xestionar axudas para levar a cabo estas tres actuacións”, adianta.
Non a explicar a herdanza do doutor Moreda
A terceira moción que recibiu os votos en contra do BNG foi á petición do Grupo Municipal popular de establecer unha comisión de seguemento para analizar profunda e absolutamente a herdanza do doutor Moreda.
“Ten un fin concreto que é arranxar o Hospital Asilo, pero o BNG segue ocultando información e vota que non á creación desta comisión de seguemento. Nesta comisión terían presencia todos os representantes políticos municipais, todo o corpo técnico, todo o corpo funcionario do Concello de Ribadeo, como son administrativos, traballadores de asuntos sociais e, tamén arquitectos; é dicir, creo que votar que non a esta moción é unha falta de respecto directa a todos os técnicos municipais. É unha falta de respecto tamén á familia porque a familia está apoiando esta comisión. E é unha falta de respecto a calquera tipo de colaboración entre as distintas administracións”, explica.
Non a mellorar Rinlo
Os populares tamén se preocuparon por como se atopa Rinlo, “cun estado de abandono absoluto”; situación que resulta inaudita cando Ribadeo, destaca Vega, “é unha vila mariñeira, unha vila total e absolutamente turística e, dende logo, non podemos entender como está así, tan abandonada”.
Non a mellorar as estradas da Deputación
Tamén preguntaron pola situación na que se atopan as estradas da Deputación. É o caso da vía que transcorre pola parroquia de Arante, que está totalmente desfeita. O mesmo acontece coa de Santalla e tamén a entrada baixando de Vilela a Ribadeo. Sobre esta última, Dani Vega advirte da perigosidade da ponte. “Esta infraestrutura está totalmente arruinada. Seguimos esperando por esa xestión que tanto presumen dende a Deputación e dende o Concello pero o abandono é absoluto”, remarca.
Pola contra, o Grupo popular segue sumando
Fronte a esta dinámica “do non polo non” dos dirixentes locais, o Grupo que lidera Dani Vega segue sumando e traballando. “É verdade que nos sigue insultando o goberno e o que dirixe o goberno segue con eses calificativos tan graciosos de insulto pero, dende logo, nós o que imos a facer é seguir xestionando polo ben do noso municipio”, conclúe.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
