Lugo, 23 de marzo de 2021. Este mércores, día 24 de marzo, ás 19:00 horas, terá lugar no Claustro do Museo Provincial de Lugo a presentación do libro Cen historias máxicas pola Mariña encantada, acto que contará coa presenza de Maite Ferreiro, vicepresidenta e delegada de Cultura da Deputación de Lugo, Manuel López, editor, Neira Brochs, ilustrador, e Antonio Reigosa, autor.
A asistencia a este acto é libre, ata completar o aforo permitido, pero coa obrigatoriedade de concertar cita previa chamando ao teléfono 982 24 21 12.
CEN HISTORIAS MÁXICAS POLA MARIÑA ENCANTADA
Trátase dunha obra ilustrada, luxosamente editada por Libros Lar de Viveiro e patrocinada pola Área de Cultura da Deputación de Lugo, que contén unha antoloxía de encantos, milagres, seres e lugares lendarios localizados nos 15 concellos que conforman a Mariña lucense: Alfoz, Barreiros, Burela, Cervo, Foz, Lourenzá, Mondoñedo, Ourol, A Pontenova, Ribadeo, Trabada, O Valadouro, O Vicedo, Viveiro e Xove. Os textos son da autoría de Antonio Reigosa e as excelentes ilustracións do artista de Viveiro, Neira Brochs.
Contén 100 relatos cunha variedade enorme, tanto de protagonistas do lendario popular —demos, trasnos, nubeiros, bruxas, ánimas, mouras e mouros, encantos e tesouros, serpes, sereas, santos e santas…— como de lugares mariños e terrestres como fontes, montes, covas, rochas, illas, fervenzas e outros elementos naturais singulares.
Tamén están, obviamente, os grandes personaxes míticos ou mitificados das terras mariñás. Desde Pardo de Cela ao Conde Santo, pasando por San Gonzalo, a serea Maruxaina, o rei Cintolo e ata o Gardarríos. E os grandes lugares máxicos como a Serra do Xistral, a Frouxeira, san Estevo do Ermo, a illa Coelleira ou a cova da Doncela, e outros imaxinarios que só existen na nosa fantasía e nos que habitan cidades mergulladas, augas que curan, santuarios abondosos en milagres, cobizados tesouros, pantasmas e un amplo repertorio de fauna féerica.
NORMATIVA COVID APLICABLE
Para acceder ao MPLugo para este acto aplicarase estritamente a normativa xeral e as ‘Normas de concordia a prol da saúde colectiva”. A entrada está suxeita a:
-Límite de aforo establecido (30 persoas)
-Control de temperatura, identificación e rexistro de datos de contacto (nome e apelidos, mail e nº tfno.)
-Concertación: Debe figurar na listaxe de cita previa cos datos requiridos.
-Respecto escrupuloso da distancia de seguridade
-Aplicación obrigatoria de xel hidroalcohólico.
As persoas asistentes deben dirixirse directamente ao lugar do acto (Claustro) e ocupar unha cadeira, quedando prohibido mudala de sitio ou cambiar de asento unha vez se ocupe ata que se abandone o local ou remate o acto.
Para a saída do recinto procederase respectando os protocolos de orde e distancia de seguridade establecidos.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
