O día internacional da muller é un día de reivindicación. Un día no que todas levantamos a voz para berrar que estamos aquí e que, coma na película Criadas e señoras, tentamos facerlle ver ao mundo a batalla que libramos na nosa vida cotiá e as dificultades que se cruzan no noso camiño tan só polo feito de ser muller.
Seguindo co fío das películas e, da antes nomeada en particular, na actualidade unha muller non quere mirar á súa filla e dicirlle “ti eres guapa, ti eres boa, ti eres importante”, quere que o mundo, a sociedade da que formamos parte, non lle faga pensar o contrario.
Se a comezos do mil novecentos as sufraxistas estaban mal vistas por reclamar un dereito fundamental como é o do voto, a comezos da década do dous mil vinte as mulleres seguen pelexando por dereitos coma o de conciliación laboral e familiar, etc., e aínda que dicir que están mal vistas sería esaxerar, non podemos afirmar que a loita sexa igualitaria, nin que non sufran agravios só polo feito de ser muller, citando a Edith Ellyn en Sufraxistas: O único camiño é avanzar.
Este ano que pasou trouxonos unha pandemia mundial e con ela o empeoramento das condicións de traballo e existencia femininos. Todas as profesións sufriron o azote desta pandemia, cada unha dun xeito diferente. E as mulleres seguiron á fronte de todo tipo de coidados (dende sanitarios a administrativos), xa que como dixo Betty Friedan “O peor inimigo das mulleres é a súa abnegación” ou que simplemente a muller fixo o traballo que o home lle impuxo, abnegada ou non, un traballo que foi invisible, anónimo, en palabras de Virginia Woolf “na maior parte da historia Anónimo era unha muller”.
Tendo que poñer o foco en todas, gustaríame facer unha especial mención ao colectivo donde exerzo a miña profesión. Asesorías, xestorías, despachos profesionais donde se realizan trámites de todo tipo, que achegan a todos os cidadáns a tramitación de procedementos burocráticos coas administracións.
Nun ano tan difícil, cheo de cambios normativos a analizar en cuestión de horas, de necesidades resolutivas e rapidez para poder acceder a axudas, subsidios, subvencións…as profesionais (auxiliares administrativas, administrativas, contables, graduadas sociais, avogadas, xestoras administrativas, economistas e todas as traballadoras do sector que superan amplamente máis do 50%) puxeron todo o seu esforzo para axudar a combater a pandemia desde o seu posto de traballo. Cun papel indispensable tanto para os cidadáns coma para as administracións, o seu foi un traballo silencioso e pouco recoñecido, nun ano coma este, dun incremento de volume de tramitacións complicado de asumir.
Vaia por todas as miñas compañeiras este recoñecemento desde aquí, porque sen vós todo sería un chisco máis difícil. Grazas por poñer o voso montón de area (porque foron moitos grans). Por deixarvos a pel, os nervios e a vista diante do ordenador e co teléfono na orella.
Seguiremos loitando por todas, cada día.
Grazas a todas pola loita.
Inés López Couto
Economista e Tenente Alcalde do Concello de Foz
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
