Lugo, 6 de marzo de 2021. A Xunta de Galicia destinou máis de 1,4 millóns de euros no último ano ao desenvolvemento de programas e o mantemento de servizos de promoción da igualdade na provincia de Lugo.
O delegado territorial, Javier Arias, destacou que o 8 de marzo é unha data para reflexionar e tomar conciencia “do que queda por facer para conseguir a igualdade real entre homes e mulleres”. Neste sentido, engadiu que rachar coa desigualdade “é un obxectivo transversal, no que traballamos cada día, xunto con institucións e entidades sociais para abordalo dende múltiples perspectivas”.
O orzamento da Secretaría Xeral da Igualdade -que depende da Consellería de Emprego e Igualdade- está distribuído entre achegas aos concellos (969.872 euros), entidades sociais (170.500 euros) e particulares (273.160 euros), e orientado tanto á prestación de servizos como a accións de sensibilización, fomento do emprego feminino ou incorporación de medidas de conciliación, entre outros aspectos.
No que respecta aos concellos, a maior contía -516.400 euros- destínase ao mantemento dos doce Centros de Información á Muller que atenden a 37 municipios da provincia. Proporcionan asesoramento xurídico, atención psicolóxica, e orientación profesional e sociolaboral ás mulleres que poden estar sendo vítimas da violencia de xénero ou a outras mulleres que polas súas circunstancias demandan a súa atención. Igualmente, o Goberno galego financia con 403.500 euros programas de conciliación, e accións de sensibilización e prevención da violencia de xénero que desenvolven 44 concellos lucenses.
No caso concreto do municipio de Lugo, a Xunta achega ademais 50.000 euros a través dun convenio para colaborar no mantemento do centro de acollida para vítimas de violencia de xénero, de titularidade municipal e incluído na rede autonómica de centros de atención a mulleres.
A Secretaría Xeral da Igualdade mantén distintas liñas de colaboración cos axentes socioeconómicos con fin de chegar ao maior número de usuarias posible. Ao abeiro destes programas, financiou actividades de 14 asociacións de pais e nais de centros educativos da provincia (48.660 euros), asinou un convenio coa Asociación de Xóvenes Emprendedores Lucenses para promover a inserción sociolaboral de mulleres que sofren violencia de xénero (62.160 euros), e outro coa Federación de Veciños Lucus Augusti no marco do programa de igualdade e loita contra a violencia de xénero no rural (30.000 euros). Así mesmo, apoiou a nove asociacións de mulleres da provincia para fomentar o asociacionismo e a participación das mulleres (25.700 euros), entre outros.
Polo que atinxe ás axudas a particulares, o programa Emega apoiou con 264.000 euros 32 iniciativas empresariais desenvolvidas por mulleres en Lugo, que supoñen a creación ou mantemento de 46 postos de traballo. Ademais, nove persoas resultaron beneficiarias das achegas por redución de xornada para a conciliación familiar.
Javier Arias afirmou que “o primeiro e máis urxente reto é rachar coa violencia de xénero, que é a máxima expresión da desigualdade”. Neste sentido, lamentou que “as especiais circunstancias deste último ano fan especialmente difícil a situación para as mulleres que son vítimas de violencia” e lembrou que a Xunta ten en marcha desde o inicio da pandemia un Plan de reforzo da atención das vítimas da violencia machista para garantir a súa seguridade durante o estado de alarma.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
