A obra, editada polo Servizo de Publicacións, relata o afundimento do Bergantín Palomo e da Fragata Santa María Magdalena en augas da ría viveirense en 1810 e culmina as actividades organizadas para a conmemoración do bicentenario do suceso en 2010. “Viveiro 1810, augas mortais é unha publicación que realiza unha función primordial de divulgación ao poñer en coñecemento de toda a cidadanía uns feitos que non deben caer no esquecemento e deben permanecer na nosa memoria colectiva”, sinalou Maite Ferreiro na presentación na que interviu xunto ao propio autor, Primitivo Marcos, a alcaldesa de Viveiro, María Loureiro, e o cronista oficial de Viveiro Carlos Nuevo Cal. O acto, celebrado no concello, contou coa presenza de concelleiros e concelleiras de todos os grupos municipais
