Ribadeo, 24 de marzo de 2021. Acisa Ribadeo anima esta Semana Santa con grandes descontos en 50 establecementos comerciais do 26 de marzo ao 4 de abril. A campaña denomínase A falta de Semana Santa… semana dos descontos en Ribadeo. Con ela a asociación ribadense pretende axudar ao comercio a liquidar stock e a mostrar a roupa da nova tempada e a potenciar as vistas a Ribadeo dos veciños e veciñas da comarca e do resto de Galicia.
Segundo anunciou o presidente de Acisa, Francisco Iriarte, “hoxe presentamos esta gran campaña de descontos especiais. Nela participan 50 comercios de todo tipo: moda home e muller, calzado, electrónica, papelería, libraría, deportes, decoración, regalo, hai moito onde escoller…. dende o 26 de marzo o 4 de abril poderás encontrar en Ribadeo grandes ofertas e descontos, os últimos da tempada. Temos dende liquidación de stock, a fin de rebaixas, zonas outlet, 2×1, descontos do 20, 30 ata o 70 %, produtos a 5, 10, 20 … euros”.
Iriarte subliñou que “é unha das campañas con máis participación e ofertas dos últimos anos”.
Pola súa banda o xerente de Acisa, Jesús Pérez, indicou que “en Ribadeo tiñámolo claro, a falta de Semana Santa… semana de descontos. Temos que dicir que estamos moi contentos coa aceptación da campaña por parte dos comercios, xa que non son épocas de facer grandes descontos e aínda si animáronse. A moitos tamén lles servirá para dar a coñecer as novas coleccións e quizais poidan iniciar a campaña de primavera con algo mais de alegría”.
E engadiu: “ademais de estar pensada como unha campaña de descontos para os e as ribadenses isto ten que servir de reclamo para que nesta Semana Santa, que por Galicia podemos movernos, os nosos veciños e veciñas de comarca veñan mercar, os veciños de Lugo, da Coruña, hasta de Vigo, pero tamén veñan coñecer Ribadeo, saborear a boa gastronomía, gozar das nosas terrazas e da nosa hostaleira. Esta Semana Santa o teu destino é Ribadeo. Esta vila, este municipio é un lugar fantástico para pasar esta Semana Santa, somos un Centro Comercial Aberto ao aire libre que ten de todo: hoteis, grandes restaurantes, bares, un comercio diverso e referente, paisaxes, rutas, arquitectura, historia… se non es de Ribadeo e queres desconectar nun lugar tranquilo e seguro Ribadeo e o teu destino. Ademais este é un momento ideal para que os galegos e as galegas se poidan achegar tamén ata a emblemática praia das Catedrais”
Iriarte Quintana subliñou: “quero recoñecer a labor dos nosos comerciantes e hostaleiros que se están a adaptar aos continuos cambios dun xeito exemplar, onde se cumpren todas as normas hixiénico sanitarias. E do mesmo xeito que animamos a todo o mundo a vir a Ribadeo, animamos a facelo de xeito responsable, cumprindo as normas, como vimos facendo ata o de agora. Podemos facelo, podemos desfrutar destas vacacións e facelo de xeito responsable e de xeito seguro”.
Os establecementos participantes na campaña son: La Moda Sport, Merceria Torviso, Saia, Susana Moreira Confección, Bimba 13, Plateria Gutié, La Coqueta, For Friends, Pequerrechos, Ginzo Hombre – Mujer, Optica Carreira, Naná, Julia Moda Infantil, Adele, Grisi, Boutique Valentina, Boutique del Rio, Glass, Mika, Anais, Deportes Docobo, Ribamueble, Optica Miro, Peluqueria Imag_n 365, Boutique Pippol´s, Galeria Terra Branca, Electronima, Coco, Jatay, R23, FarfalaKids, La Moda Basico, La Moda Señora,, Duovision Optica, Bis a Bis, Merceria Vizcaya, Xeito Decoracion, Castillo de Pesca, Fauna, Calzados La Moda Joven, Esprit, Sanjurjo Moda, JoyeriaAzabache, SendinElectricidad, Opticalia, Beep, Xardineo, Bora Bora, Folder e Pepa Peineta.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
