Santiago de Compostela, 18 de febreiro de 2021. A Consellería do Mar, a través de Portos de Galicia, ten destinado a melloras no porto de Burela nos últimos meses un investimento total de máis de dous millóns de euros, dos que 1,3 corresponden a actuacións xa executadas e 980.000 euros a actuacións comprometidas en proceso xa de licitación. Así o explicou a presidenta do ente público, Susana Lenguas, hoxe en resposta a unha pregunta oral na Comisión 8ª de Pesca e Marisqueo do Parlamento de Galicia.
Susana Lenguas explicou que Portos de Galicia vén de rematar a segunda fase das obras de ampliación do abrigo do peirao, o coñecido como segundo martelo, no que investiu 1,2 millóns de euros e que se atopa xa en servizo. Así mesmo, rematáronse xa os traballos de renovación da cuberta dos departamentos de armadores, o corte do peirao para facilitar a operativa de atracada para os barcos de maior calado e a reparación da cuberta da nave de Expomar. En total estas actuacións supuxeron unha achega de 100.000 euros.
Ademais, a presidenta do ente público referiu as actuacións previstas para os vindeiros meses. Neste sentido, trasladou que xa está asinado o contrato para a execución das obras de mellora da envolvente da nave de redes, por importe de 267.000 euros. A maiores están en licitación melloras no control de accesos do peirao comercial rexido polo código internacional de seguridade PBIP, a redacción do proxecto de dragaxe, o deseño da solución técnica para o incremento de prazas de amarre na lámina de auga e o estudo para o reforzo do dique. En total, o importe xa comprometido a día de hoxe para as próximas actuacións achégase ao millón de euros.
Finalmente, Susana Lenguas destacou o compromiso de Portos de Galicia co peirao de Burela, “un porto de referencia en venda de pesca fresca” e no que “a Xunta de Galicia ten invertido dende 2009 arredor de 11 millóns de euros”, apuntou.
Esta publicación, que se enmarca na serie Monografías de Cuadernos de Estudios Gallegos do Editorial CSIC, conta cunha introdución dos editores Carlos Baliñas e Carlos Andrés González. Ademais, tamén colaboraron neste traballo de investigación, que afonda na historia e na evolución do municipio mariñán dende o medievo ata a actualidade, Abel Vigo, Aurelia Balseiro, Mª Dolores Barral e Pegerto Saavedra.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
