Por Viveiro apoia as peticións veciñais para que Abanca non peche a súa oficina de Celeiro

Viveiro, 16 de febreiro, 2021. Os independentes de Por Viveiro, en voz do seu Portavoz Municipal, Bernardo Fraga, manifestaron este domingo o seu apoio ás veciñas e veciños de Celeiro, afectados polo peche da única entidade bancaria presente na vila mariñeira.

“Estamos do lado das veciñas e veciños de Celeiro, pedímoslle ao goberno municipal que realice todas as xestións necesarias e posibles para evitar o inminente peche da sucursal”

“O pobo de Celeiro, leva anos perdendo servizos, e con este peche, nin sequera haberá un caixeiro ao servizo dos veciños, ademais das grandes molestias que causará, sobre todo as persoas de avanzada idade, ter que desprazarse para realizar calquera xestión bancaria” declarou.