Lugo, 12 de febreiro de 2021. O grupo provincial do PP ve plenamente confirmados os seus peores temores con respecto a aportación da Deputación de Lugo, presidida polo socialista José Tomé, ao plan de rescate da hostalería e da pequena empresa lucense. No mellor dos casos, a aportación da Deputación será escasa e chegará tarde e mal. O portavoz popular, Javier Castiñeira, sinala: “Despois de ver como a Xunta saca o seu segundo plan de rescate con 75 millóns, que se suman aos 86 xa concedidos no 2020, dende o grupo provincial do PP preguntámonos cando van saír as da Deputación de Lugo. Levamos meses pedíndoas; incluso foron descartadas en pleno dúas veces polo bipartito cando solicitamos un plan como mínimo similar o de Ourense, de 4 millóns de euros”.
Castiñeira declara: “A Deputación de Lugo, nun alarde de demagoxia pura, preferiu permanecer á marxe novamente e apostar por facer ruído; optou polo enfrontamento coa Xunta de Galicia, que, polo contrario, si se ofreceu para traballar conxuntamente, de forma solidaria, e aproveitar os recursos que ten para tramitar as axudas, que, como se demostrou, ofrecen a axilidade que demanda os empresarios”.
O portavoz popular explica: “Socialistas e nacionalistas prometeron algo menos do millón de euros, cantidade que entendemos é insuficiente; máis grave aínda: podemos asegurar esas axudas van chegar moito máis tarde e con máis carga burocrática que as da Xunta. Cando Feijóo teña pagado o segundo plan de rescate, Tomé aínda estará coas bases do primeiro, así de claro”. Para entón, “moitos hostaleiros e empresas lucenses, como puidemos apreciar estes días, xa non estarán a tempo de recibir as axudas da Deputación, que xunto co Estado son as administracións que menos comprometidas están coa reactivación económica de Lugo”.
Os populares din que se o bipartito provincial aceptara o ofrecemento da Xunta para sumarse a este novo plan conxunto, co que o clúster estaba de acordo, para a semana que vén ese escaso millón de euros que prometeu a señora Porto xa podería estar a disposición dos lucenses; co seu plan, pasarán meses.
Castiñeira cre que “a estratexia que Caballero marcou á Deputación e aos concellos nos que gobernan os socialistas é moi clara: enfrontamento coa Xunta de Galicia para esconder a súa nula xestión e falta de dilixencia, no que o goberno provincial lucense é o máximo exemplo”. Engade que “once meses de estado de alarma e cero euros en axudas directas á reactivación; o pouco que prometeu a Deputación vai chegar tarde e con máis burocracia”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
