Foz, 24 de febreiro 2021. O Pleno da Mancomunidade de Concellos da Mariña aprobou por unanimidade onte martes en sesión plenaria solicitar unha subvención, con cargo ao Fondo de Compensación Ambiental, para realizar un estudo da eficiencia da recollida do lixo e da implantación da recollida selectiva de residuos orgánicos.
O presidente da Mancomunidade, Fran Cajoto, explicou que “un dos obxectivos principais do estudo é potenciar a xestión ou recollida en orixe da fracción orgánica dos residuos municipais, un produto que se pode revalorizar como un fertilizante moi útil, reducindo a cantidade de lixo –e por tanto a factura- que se envía á planta de tratamento de Sogama. O estudo ademais analizará unha xestión conxunta das outras fraccións de lixo para todos os concellos, dado que se estima que actuando a escala da Mancomunidade se consigan vantaxes económicas e un aumento da difusión da reciclaxe ao abarcar a unha poboación máis ampla que a propia de cada concello. Este estudo segue o camiño da liña marcada pola Mancomunidade, desde a que xa se xestiona a recollida de aceites usados e téxtiles”.
Cajoto felicítase polo ton construtivo do pleno, no que se aprobou este asunto e o resto dos temas a tratar por unanimidade.
O presidente da Mancomunidade referiuse no pleno aos Plans de Sostibilidade Turística, dos que se agarda unha nova convocatoria pola Secretaría de Estado de Turismo: “cofinanciados polo Estado, Xunta e administracións locais –como sería o caso da Mancomunidade- suporían un impulso definitivo ao sector turístico da comarca, moi tocado pola crise da covid, xa que estaríamos a falar de dotacións entre os 2 ou 3 millóns de euros en cada plan aprobado. O ano pasado aprobáronse os plans de Santiago de Compostela e da Ribeira Sacra. Volveremos a optar a estes plans en canto se convoquen e teño que agradecer ao alcalde de Xove e voceiro popular na Mancomunidade, Demetrio Salgueiro, o seu compromiso para tratar coa Xunta o apoio ao plan da Mariña.
Compañeiros socialistas e máis eu faremos o propio co goberno do Estado, xa que esta é unha aprobación conxunta de ámbalas dúas administracións. Estou moi satisfeito con esta forma de traballar, conxunta, polos intereses da comarca”.
Esta familia naceu arredor de cinco irmáns: Paco, Esperanza, Toñito, Juan José (Sé) e Joaquín. Tocoulles vivir tempos difíciles na xuventude, véndose obrigados algúns deles a emigrar. Na reunión estiveron presentes os tres que se ven na foto: Esperanza, Sé e Joaquín, xunto con fillos, sobriños, etc. Unha reunión entrañable, porque había bastante tempo que a familia non se reunía.
A Garda Civil imputa en calidade de investigada a unha veciña de San Miguel de Reinante de 38 anos de idade como suposta autora dun delito de simulación de delito. A persoa investigada denuncio en dependencias oficiais dous cargos indebidos na súa conta bancaria. Iniciouse entón unha investigación policial comprobando documentalmente que os cargos se corresponden con dúas cotas dun préstamo ao consumo contratado pola investigada e ingresado na súa propia conta. Supostamente a persoa investigada pretendía que a entidade bancaria devolvéselle os importes das cotas domiciliadas tras formular a denuncia ante a Garda Civil. As dilixencias policiais foron remitidas á Autoridade Xudicial
Aproveitouse despois para ver o partido entre Almería e Dépor lembrando "as peñas irmáns que hai polo territorio estatal". A peña burelá agarda repetir nova cita antes do remate da actual tempada coa intención de celebrar éxitos dos distintos equipos que compoñen a estrutura do RC Deportivo.
Destacou a súa importancia para preservar a memoria histórica e recoñecer o esforzo das xeracións que converteron o porto de Celeiro nun referente pesqueiro. Puxo en valor o rico patrimonio mariñeiro e cultural da Mariña, facendo fincapé “que esta exposición é unha oportunidade para recoñecer o esforzo e a dedicación das persoas que ao longo de cen anos contribuíron ao crecemento e consolidación do porto celeirense”. A mostra, situada na sede da confraría, inclúe maquetas de barcos, fotografías, vídeos históricos, pinturas dos patróns maiores e obxectos singulares como a acta fundacional e maquinaria antiga. A visita complétase cun percorrido por espazos emblemáticos como a lonxa e o porto. Os actos do centenario culminarán coas XXVIII Xornadas Técnicas de Difusión do Sector Pesqueiro, un referente anual do sector.
Este evento anual destaca pola súa coidada selección musical e por ofrecer unha experiencia única na localidade lucense de Vilalba. Tras o éxito da pasada edición, que superou os 6.000 asistentes e contou con actuacións destacadas como as de Iván Ferreiro, Dorian e El Columpio Asesino, o FIV segue apostando por grandes nomes do indie nacional. As primeiras confirmacións do cartel serán anunciadas nas vindeiras semanas, mantendo a emoción e as expectativas para esta nova cita.
Nesta actuación, que serve de antesala para conmemorar o 25N, Día Internacional da Eliminación da Violencia contra a Muller, a coñecida maga realiza unha defensa da igualdade a través da maxia. O espectáculo é para todos os públicos e celebrarase na Casa dá Cultura de Cariño a partir das 18:30 horas. Conta con entrada libre e gratuíta ata completar aforo, polo que todos os interesados poderán acudir sen ter que realizar unha reserva previa.
Foi recibido no Concello polo alcalde, Dani Vega quen explicou que “dentro das visitas que estamos tendo en Ribadeo, recibimos ao Comandante Naval da Coruña e de Ferrol, o capitán de Fragata Javier García, que nos expuxo todo o tipo de propostas e de colaboracións que vamos ter con eles. E desde logo parécenos unha proposta interesante para tamén ter unha relación cos institutos, cos centros educativos e tamén co traballo que realiza en toda esta zona, desde Ribadeo ata A Coruña”. Vega engadiu: “nosoutros dentro da colaboración que estamos tendo con todas as administracións, creo que é positivo seguir nesta liña”.
